უკრაინის შინაგან საქმეთა მინისტრის მრჩეველი ზორიან შკირიაკი საქართველოს ყოფილი პრეზიდენტის მიხეილ სააკაშვილის დაკავების მცდელობას გამოეხმაურა.

როგორც შკირიაკი Facebook-ის საკუთარ გვერდზე წერს, "ეს ამბავი, სააკაშვილის პიარშიკების მიერ არის მოწყობილი".

"მორიგი სიცრუა და მორიგი ინსინუაციები, სააკაშვილის დესტრუქციული პარტიის მიერაა მოწყობილი. როგორც იქნა მიხვდნენ, როგორ მიიზიდონ ხალხი ამ მატყუარას პრესკონფერენციებზე, მიხვდნენ როგორც მიიზიდონ მცირეოდენი ყურადღება მაინც ამ პრორუსული ტროლისადმი. ბრავო! მიშას აღნიშნული ფარსისთვის, თითქოს გუშინ სასტუმროში სპეცრაზმი იყო მისული, პრემია უნდა გადასცენ. მთელი ჰოლივუდის ბოევიკი დადგა, თუმცა მხოლოდ მათ წარმოსახვაში.

ახლა კი საქმეზე გადავიდეთ - არც ერთი სამართალდამცავი ქვედანაყოფის სპეცრაზმი გუშინ იქ არ ყოფილა და ვერც იქნებოდა. სააკაშვილის დაკავების არანაირი მცდელობა არ ყოფილა. ისინი „ალფას“ ფოტო ან ვიდეომასალას ვერ წარმოადგენენ, რადგან სპეცრაზმი სასტუმროში არ იყო მისული. ეს წმინდა წყლის საინფორმაციო პროვოკაციაა. სააკაშვილი იყო საქართველოს პრეზიდენტი, ახლა კი, ჯამბაზად და აფერისტად, საინფორმაციო ტროლად და პროვოკატორად იქცა... დასანანია. მისი საკითხი მხოლოდ უკრაინული კანონებისა და საერთაშორისო სამართლის ნორმების მიხედვით გადაწყდება. განსაკუთრებით სასაცილო აღმოჩნდა დაცვის ისტორია, რომლებმაც თურმე შიშველი ხელებით შეიარაღებული სპეცრაზმი სასტუმროდან გაყარეს. რემბო 6 - უკრაინული ვერსია“, - განაცხადა შკირიაკმა.

ავტორი: ,

სოციალური ქსელები

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.

უკრაინული დრონები თავს დაესხნენ ომსკში, საზღვრიდან 2500 კილომეტრში მდებარე Ozon-ის საწყობს და ნავთობქიმიურ ქარხანას

ტრამპი: აშშ ირანზე დარტყმას 25 ოქტომბრიდან განიხილავს, თუმცა მნიშვნელოვანი შეთანხმების მიღწევა შესაძლებელია