თბილისის საქალაქო სასამართლომ გარიგებული საკალათბურთო მატჩების საქმეზე დაკავებული პირები პატიმრობაში დატოვა.

დაცვის მხარე საკალათბურთო კლუბ ”სოხუმის” მწვრთნელის ვაჟა კვარაცხელიას, კლუბის თანამფლობელის თემურ დათიკაშვილისა და მსაჯის, ზაზა მაჩალაძის გირაოს სანაცვლოდ გათავისუფლებას ითხოვდა. ამასთან, მათ თავდებში სპორტის სფეროს წარმომადგენლები - ანატოლი ბოისა, ჯამლეტ ხუხაშვილი, ამბროსი ორმოცაძე და კახა შენგელია უდგებოდნენ.  ამასთან, ადვოკატებმა სასამართლოს 5-5 ათას ლარიანი გირაოს შუამდგომლობითაც მიმართეს, თუმცა მოსამართლემ მათი შუამდგომლობა არ დააკმაყოფილა.

რაც შეეხება ბრალდების მხარეს, პროკურორმა აღნიშნა, რომ არსებობს საფრთხე, ბრალდებულები მიიმალონ და დანაშაულებრივი საქმიანობა გააგრძელონ.

ე.წ. ჩაწყობილი თამაშების საქმეზე არსებითი განხილვა 22 თებერვალს დაიწყება.

შეგახსენებთ, სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ჯგუფურად კომერციული მოსყიდვის ფაქტზე საერთაშორისო კატეგორიის მსაჯები -ზაზა მაჩალაძე, ირაკლი ბერიშვილი და დავით ბერიშვილი, ასევე საკალათბურთო კლუბ „სოხუმი“-ს მწვრთნელი  ვაჟა კვარაცხელია და ამავე კლუბის თანამფლობელი - თემურ დათიკაშვილი 22 დეკემბერს დააკავეს.

ავტორი: ,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს