საპარლამენტო უმცირესობა მმართველი გუნდის წევრების მიერ გიორგი მარგველაშვილის კრიტიკას პრეზიდენტის ინსტიტუტის დაკნინებად აფასებს.

"„ქართული ოცნებისა“ და მათი ხელმძღვანელების მხრიდან პრეზიდენტის ინსტიტუტთან დაკავშირებით ჩვენ ვხედავთ ძალიან შემაშფოთებელ დამოკიდებულებას, არა კონკრეტულად მარგველაშვილთან, არამედ ინსტიტუტის მიმართ. წლების განმავლობაში მმართველი გუნდი ცდილობს პრეზიდენტის ინსტიტუტს ზიანი მიაყენოს. დაწყებული იმით რომ გააუქმოს არჩევითობა, დამთავრებული ყოველ კონკრეტულ შემთხვევაში ინსიტუტის დასუსტების მცდელობით. ეს არის გამოვლინება ანტი-საპრეზიდენტო ინსტიტუტის გამოვლინებისა, რომელიც "ქართულ ოცნებაში" ჩამოყალიბდა", - განაცხადა "ევროპული საქართველოს" წევრმა სერგი კაპანაძემ

"ნაციონალური მოძრაობის" წევრი რომან გოცირიძე ვარაუდობს, რომ მმართველი გუნდის ასეთი დამოკიდებულება გიორგი მარგველაშვილის მიმართ, მომავალი პრეზიდენტისადმი გაფრთხილებაა.

"ეს არის პრეზიდენტის მორიგი შანტაჟი, დაშინება, რომ მან არ გამოიყენოს საკუთარი კონსტიტუციური უფლებები, თუნდაც შეწყალების ან ვეტოს უფლება. ეს არის მორიგი მცდელობა პრეზიდენტის ინსტიტუტის დაკნინებისა. პრეზიდენტი უნდა იყოს მორჩილი და ეს არის გაფრთხილება მომავალი პრეზიდენტისადმი, რომ დღევანდელი ხელისუფლება არ დაუშვებს თვითნებობას, თავნებობას და პრეზიდენტმა არ უნდა შეუშალოს ხელი მათ არაკანონიერი პოლიტიკის წარმოებაში“, - განაცხადა რომან გოცირიძემ.

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში