აჭარაში ამინდის გაუარესების გამო, მაღალმთიანი მუნიციპალიტეტების გამგეობები საგანგებო რეჟიმში მუშაობენ.

აჭარის ა/რ მთავრობის პრესსამსახურის ინფორმაციით, დილიდან ყველა მიმართულებით დაიწყო გზებზე თოვლის საფარისგან გაწმენდითი სამუშაოები.

„შუახევის დაბალი ზონის სოფლებში თოვლის საფარი 20-40 სმ-ია, მაღალ ზონაში ერთ მეტრს გადააჭარბა. ბათუმი-ახალციხის საავტომობილო გზის შუახევის მონაკვეთზე ტრანსპორტით გადაადგილება თავისუფალია. მაღალი ზონის სოფლებში გადაადგილება შესაძლებელია მაღალი გამავლობის ტრანსპორტით. სასწავლო პროცესი შეწყვეტილია შუახევის სამ ბაგა-ბაღში და 17 საჯარო სკოლაში.

ხულოში ორდღიანი ინტენსიური თოვის შემდეგ გამოიდარა. ამ დროისათვის თოვლის საფარმა მაღალი ზონის სოფლებში 1.30-1.50 მ-ს, ხოლო დაბლობში 70-80 სმ-ს მიაღწია. უამინდობის გამო გარკვეული შეფერხებები შეიქმნა გადაადგილებასთან დაკავშირებით. გადაადგილება შესაძლებელია მხოლოდ მაღალი გამავლობის ავტომობილებისთვის მოცურების საწინააღმდეგო ჯაჭვების გამოყენებით. მობილიზებულია როგორც მერიის, ისე აჭარის საავტომობილო გზებისა და სამელიორაციო სისტემების მართვის დეპარტამენტის მძიმე ტექნიკა. ამ დროისათვის გაწმენდით სამუშაოებს 15 ერთეული ტექნიკა ახორციელებს. სამუშაოებში აქტიურად არიან ჩართული ხულოს მუნიციპალიტეტის მერიაში მოქმედი საგანგებო შტაბის წევრები და ა(ა)იპ „ხულოს მუნიციპალური სერვისების" თანამშრომლები. უამინდობის გამო სასწავლო პროცესი გადაიდო ხულოს 50 სკოლიდან 33 სკოლაში და ყველა საბავშვო ბაღში. შეფერხებები შექმნილია ელექტროენერგიის მიწოდების კუთხითაც, თუმცა ენერგო- პრო- ჯორჯიას ინფორმაციით, სამუშაოები დილიდანვე დაიწყო და დღის ბოლომდე შესაძლებელი იქნება ელექტრომომარაგების აღდგენა.

მეწყერები დაფიქსირდა ქედის მუნიციპალიტეტში რამდენიმე ლოკაციაზე. ჩაკეტილია შიდა სასოფლო გზები ზვარეს ადმინისტრაციულ ერთეულში, ქობულაძეების უბანში, კუჭულაში, ვარჯანისში. აბუქედაში, ზვარეს ცენტრალურ გზაზე ორ ადგილას და სვანივრის უბანში განვითერებულმა მეწყერებმა კი ჩაკეტა საავტომობილო გზა. გაწმენდითი სამუშაოები დილიდანვე მიმდინარეობს და შუადღისთვის საავტომობილო გზების გახსნას ვარაუდობენ. ელექტროენერგია არ მიეწოდება დანდალოს და ოქტომბრის ადმინისტრაციულ ერთეულებს, სოფელ ნამონასტრევს, სილიბაურს და შევაბურს. ენერგო-პრო ჯორჯიას ბრიგადების მიერ მიმდინარეობს აღდგენითი სამუშაოები. საერთაშორისო და შიდა სახელმწიფოებრივი მნიშვნელობის გზებზე ტრანსპორტის გადაადგილება შეზღუდული არ არის. ბათუმი-ახალცხის ცენტრალური საავტომობილო გზის სხვადასხვა მონაკვეთებზე განვითარდა მცირე მეწყერები. მიმდინარეობს გაწმენდითი სამუშაოები. მობილიზებულია სპეც. ტექნიკა, უზრუნველყოფილია საწვავ-საპოხი მასალებით და სათადარიგო ნაწილებით. 5 მუნიციპალიტეტში სხვადასხვა მიმართულებით მიმდინარეობს გზების გაწემენდითი სამუშაოები თოვლის საფარისაგან“, - ნათქვამია აჭარის მთავრობის პრესსამსახურის ინფორმაციაში.

(NS)

ავტორი: ,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს