„ცუდად დამთავრდება ეს ფარისევლობა, როგორც ნაცისტებისთვის, ისე ოცნებისთვის, რომელიც NDI- ისა და IRI-ის ტყუილის შესაჩერებლად არაფერს აკეთებს“, – ასე აფასებს „პატრიოტთა ალიანსის“ გენერალური მდივანი ირმა ინაშვილი NDI–ის პოლიტიკური რეიტინგების კვლევის შედეგებს.  

ინაშვილი ეროვნულ–დემოკრატიული ინსტიტუტს საზოგადოების შეცდომაში შეყვანაში ადანაშაულებს.   

„გამოკითხულთა 30%- ს, თურმე, სააკაშვილი მოსწონს... 44%- ს კი, დათუნა ბაქრაძე... ყველაფერში მართალი ვარ, რასაც ვამბობ: აღარ იციან, როგორ გააცოცხლონ და დააბრუნონ... მაგრამ გეუბნებით: ცუდად დამთავრდება ეს ფარისევლობა როგორც ნაცისტებისთვის, ისე ოცნებისთვის, რომელიც არაფერს აკეთებს NDI- ისა და IRI-ის ტყუილის შესაჩერებლად. გატრუნული ზის და სიამოვნებს თავისი 24%-ი... საზოგადოების შეცდომაში შეყვანა, რასაც მიზანმიმართული ხასიათი აქვს, დანაშაულია... ისხედით, ახლა, და დატკბით თქვენი 24%- იანი "მიღწევით"“, – აცხადებს ირმა ინაშვილი.

ცნობისთვის, დღეს NDI–მ მედიას პოლიტიკური რეიტინგების კვლევის შედეგები გააცნო.
კვლევის თანახმად, პოლიტიკური თანამდებობის პირებს შორის გიორგი მარგველაშვილი ლიდერობს. პრეზიდენტის საქმიანობა გამოკითხული მოსახლეობის 52%–ს მოსწონს. 
ოპოზიციური პარტიის წევრებს შორის ლიდერობს ირაკლი ალასანია 51%–ით, მას კი 44%–ით  „ნაციონალური მოძრაობის“ ლიდერი დავით ბაქრაძე მოსდევს. მიხეილ სააკაშვილი  გამოკითხულთა 30%–ს მოსწონს. ირმა ინაშვილი კი 26%–ს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი

ვოლსკი ღარიბაშვილის განცხადებას უბადრუკ წერილს უწოდებს

19-21 აგვისტოს საქართველოში, სითბოს ფონზე მოსალოდნელია ხანმოკლე წვიმა