„დღეს კიდევ უფრო ნათელი გახდა, რომ ეს იყო მკვლელობა, რომელიც სახელმწიფომ ჩაიდინა თემირლან მაჩალიკაშვილის მიმართ“,-ასე გამოეხმაურა  ადამიანის უფლებების სწავლებისა და მონიტორინგის  ცენტრის სამოქალაქო-პოლიტიკუტრი უფლებების  პროგრამის დირექტორი თამთა მიქელაძე სპცრაზმელის მიერ დაჭრილი 19 წლის თემირლან მაჩალიკაშვილის გარდაცვალების ფაქტს.

მისივე თქმით, ყველა სამართლებრივი დაცვის საშუალებას გამოიყენებენ, რათა საქმეზე სიმართლე დადგინდეს და დაზარალებული ოჯახის უფლებები ბოლომდე იყოს დაცული.

„ამ საქმეში პრობლემურია როგორც სროლის აუცილებლობის საკითხი,  ისე დროული სამედიცინო  დახმარების აღმოჩენილის საკითხი უშუალოდ დაჭრის ეპიზოდში და მთელი  ამ 2 კვირის განმავლობაში მისთვის არმოჩენილი სამედიცინო დახმარების ადეკვატურობის პრობლემა. ჩვენ ამ საკითხებს შევისწავლით“,-აღნიშნა თამთა მიქელაძემ.

ის ამბობს, რომ გამოძიებას ნაკლებად ენდობა.

თემირლან მაჩალიკაშვილი დღეს გამთენიისას გარდაიცვალა. მას გული 4-ჯერ გაუჩერდა, რეანიმაციული მოქმედებები კი წარუმატებელი აღმოჩნდა.

ავტორი: ,

სოციალური ქსელები

„საზოგადოება იწყებს დაღლას.“ პუტინის რეიტინგი საპენსიო რეფორმის შემდეგ მკვეთრად დაეცა.

საააპელაციო სასამართლომ საბა ჯიქიას გამამტყუნებელი განაჩენი ძალაში დატოვა

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია