სასჯელაღსრულებისა და პრობაციის სამინისტროს ორგანიზებით N5 პენიტენციურ დაწესებულებებში საახალწლო ღონისძიებები გაიმართა. 

წინასაახალწლო ღონისძიებათა ფარგლებში, ქალთა N5 პენიტენციურ დაწესებულებას რეჟისორი რობერტ სტურუა, შოთა რუსთაველის სახელობის სახელმწიფო აკადემიური თეატრის დასის წევრები, ჯგუფი "გამოუვალი მდგომარეობა", ასევე სხვადასხვა კომპანიების წარმომადგენლები ესტუმრნენ და მსჯავრდებულებს დამდეგი შობა-ახალი წელი მიულოცეს.

რუსთაველის თეატრის მსახიობებსა და რეჟისორ რობერტ სტურუას მსჯავრდებულებმა საკუთარი თეატრალური პერფორმანსიდან - „ჯადოსნური ღამე“, რამდენიმე ნომერი შეუსრულეს და აპლოდისმენტებიც დაიმსახურეს.

„უკვე ტრადიციად იქცა თითქოს, სამი წლის წინ ვიყავით პირველად. ერთდროულად ეს სევდიანიცაა და ამავე დროს მიხარია, რომ რაღაც პატარა სიამოვნება და სიხარული შეგვიძლია შევმატოთ ამ შესანიშნავ ქალებს. ისეთია ცხოვრება, რომ მოულოდნელად შესაძლოა, შენც ჩაიდინო რაღაც, ღმერთმა დაგვიფაროს, მაგრამ... მინდა ბედნიერები იყვნენ,“ - აღნიშნა რობერტ სტურუამ.

მსჯავრდებულ ქალბატონთა წინასაახალწლო განწყობაზე კი ჯგუფ "გამოუვალი მდგომარეობის" წევრებმა იზრუნეს. მათ საკუთარი რეპერტუარიდან რამდენიმე მუსიკალური ნომერი შეასრულეს და მსჯავრდებულებს ემოციური დახვედრისთვის მადლობა გადაუხადეს.

„ძალიან დიდი სიამოვნება მივიღეთ. აქ სულ სხვა განწყობაა. პატარა ბედნიერების მინიჭების საშუალება რომ გეძლევა, ეს არის დიდი ბედნიერება შენთვის. ძალიან დიდი ენერგია მივიღეთ ჩვენი მსმენელებისგან,“ - აღნიშნა ჯგუფის წევრმა ვანო თარხნშვილმა.

სასჯელაღსრულების N5 პენიტენციური დაწესებულების დირექტორის ნესტან ვერულაშვილის განცხადებით, სამინისტრო ყველაფერს აკეთებს მსჯავრდებულთა რესოციალიზაცია-რეაბილიტაცისათვის, რათა ისინი საზოგადოებას სრულფასოვან წარმომადგენლებად დაუბრუნდნენ.

მსჯავრდებულებმა საახალწლოდ საჩუქრები  სხვადასხვა კომპანიებისგან მიიღეს. მათ შორის მცენარეული კოსმეტიკისა და პარფიუმერიის ფრანგულმა ბრენდმა „ივ როჩემ“ ქალ მსჯავრდებულებს პარფიუმერიისა და თავის მოვლის საშუალებები გადასცა. ფარმაცევტულმა კომპანია „ავერსმა“ პატარებს, რომლებიც 3 წლამდე დედებთან ერთად დაწესებულებაში იზრდებიან საკვები პროდუქტები და ჰიგიენური საშუალებები გადასცა. 

საახალწლო საჩუქრები მსჯავრდებულებმა ასევე  კომპანიებისგან მიიღეს „ზედაზენი“, „ბარამბო“, „ბეიქერსი“ და „ბებე+“.

(NS) 

ავტორი: ,

სოციალური ქსელები

კობახიძე 3 წლის შემდეგ აღიარებს, რომ სამართალდამცავები დემონსტრანტებზე ძალადობდნენ

პოლიციამ თბილისში დამამძიმებელ გარემოებებში ჩადენილი განზრახ მკვლელობის ბრალდებით ორი პირი დააკავა

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს