სპეცოპერაციის დროს დაჭრილი ახალგაზრდის მდგომარეობა სტაბილურად მძიმეა

2017-12-26 21:09:01, 2333 ნახვა

საზოგადოება

სოფელ დუისში სპეცოპერაციის დროს დაჭრილი ახალგაზრდის ჯანმრთელობის მდგომარეობა სტაბილურად მძიმეა.

„რუსთავი 2“-ის ინფორმაციით, 19 წლის თემირლან მაჩალიკაშვილი საოპერაციოდან რამდენიმე წუთის წინ გამოიყვანეს.

მაჩალიკაშვილი რეანიმაციულ განყოფილებაში მედიკოსების დაკვირვების ქვეს იმყოფება.

ცნობისთვის, სახელმწიფო უსაფრთხოების სამსახურის კონტრტერორისტული დეპარტამენტის მიერ, დღეს დილით თბილისსა და ახმეტის რაიონის სოფლებში, დუისსა და ომალოში დაკავებულ იქნა საქართველოს 5 მოქალაქე: ზურაბ გორნაკაშვილი, რუსლან ალდამოვი, რამაზ მარგოშვილი, ბადურ ჩოფანაშვილი და თემირლან მაჩალიკაშვილი.

სუს-ის ინფორმაციით, დაკავებული პირები დაკავშირებულები არიან 21-22 ნოემბერს ბერი გაბრიელ სალოსის ქუჩაზე ჩატარებული სპეცოპერაციის შედეგად განეიტრალებული დაჯგუფების წევრებთან და წარმოადგენდნენ მათ ხელშემწყობ პირებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები