მარგველაშვილი: მიუხედავად იმისა, რომ სომხეთი საბაჟო კავშირის წევრია, ჩვენს ქვეყნებს შორის ეკონომიკური თანამშრომლობა არ შესუსტებულა

2017-12-25 20:31:43, 2546 ნახვა

პოლიტიკა

საქართველოს პრეზიდენტმა გიორგი მარგველაშვილმა სომეხ კოლეგა სერჟ სარგსიანთან ერთად გამართულ პრესკონფრენციაზე საქართველო-სომხეთს შორის ეკონომიკურ ურთიერთობაზე გაამახვილა ყურადღება. მისი თქმით, მიუხედავად იმისა, რომ საქართველომ ევროკავშირთან ასოცირების ხელშეკრულებას მოაწერა ხელი, ხოლო სომხეთი ევრაზიულ კავშირში გაწევრიანდა, ეკონომიკური თანამშრომლობა არ შესუსტებულა:

„ჩვენ ვისაუბრეთ იმ პერსპექტიულ პროექტებზე, რომელმაც რეგიონს უნდა მოუტანოს მეტი ეკონომიკური მოგება, მეტი სტაბილურობა, ვისუაბრეთ ჩვენი ორი ქვეყნის სტრატეგიულ ჩართულობებზე, როგორც ევროკავშირის მასშტაბით, ასევე სომხეთის აქტიურ თანამშრომლობაზე ევრაზიული კავშირის ფარგლებში და ხაზი გავუსვით იმას, რომ ამ თვალსაზრისით ორივე ქვეყანამ მოახერხა და მიაღწია იმას, რომ ჩვენ ასოცირებულ ხელშეკრულებას მოვაწერეთ ხელი და თავისუფალი ვაჭრობა გვაქვს ევროპასთან,ხოლო სომხეთი საბაჟო კავშირის წევრია, ამ გარემოებამ არანაირად არ შეასუსტა ეკონომიკური თანამშრომლობა ჩვენს ქვეყნებს შორის, არამედ პირიქით წელს ჩვენ ვხედავთ, რომ როგორც ტვირთბრუნვა ჩვენს ქვეყნებს შორის, ასევე ტურიზმის მიმართულებით ყოველწლიურად ვზრდით მონაცემებს“,-განაცხადა საქართველოს პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები