„ვიწყებთ ძალიან აქტიურად მუშაობას იმაზე, რომ შემუშავდეს დეცენტრალიზაციის სტრატეგია",- ამის შესახებ საქართველოს პარლამენტის თავმჯდომარემ ტელეკომპანია „იმედის" პირდაპირ ეთერში განაცხადა.

ირაკლი კობახიძემ განმარტა, რომ დეცენტრალიზაციის ხარისხი ქვეყანაში მოქმედი თვითმმართველი ერთეულების რაოდენობაზე დამოკიდებული არ არის.

„იყო თითიდან გამოწოვილი აჟიოტაჟი შვიდი ერთეულის გამსხვილებასთან დაკავშირებით. დეცენტრალიზაციის ხარისხი ნამდვილად არ არის დამოკიდებული იმაზე, თუ რამდენი თვითმმართველი ერთეული მოქმედებს ქვეყანაში. იქნება ეს 64 თუ 71 თერთმეტი, ამით არ განისაზღვრება დეცენტრალიზაციის ხარისხი. მე ვარ სპეციალისტი თვითმმართველობის. ამ სფეროში ვმუშაობდი 8 წლის განმავლობაში. აქედან გამომდინარე, ზუსტად ვიცი, რა არის დეცენტრალიზაცია და რა არ არის დეცენტრალიზაცია. რაც შეეხება რეფორმას, რომელზეც ისაუბრა პრემიერმა თავისი საპარლამენტო მოხსენების ფარგლებში, მე გახდით ინიციატორი ამ მიმართულებით რადიკალური ცვლილებების განხორციელების და ვიწყებთ ძალიან აქტიურად მუშაობას იმაზე, რომ შემუშავდეს დეცენტრალიზაციის სტრატეგია",- განაცხადა პარლამენტის თავმჯდომარემ.

მისი განმარტებით, დეცენტრალიზაცია თვითმმართველობებისთვის მეტი უფლებამოსილება და რესურსებია. ირაკლი კობახიძის შეფასებით, დეცენტრალიზაციის ხარისხი დღეს დაბალია.

„ დეცენტრალიზაცია ეს არის მეტი უფლებამოსილებები და მეტი რესურსები, მათ შორის ფინანსური რესურსები თვითმმართველობებისთვის. დღეს არის დეცენტრალიზაციის ხარისხი ძალიან დაბალი. განსაკუთრებით აქცენტს გავაკეთებ ფისკალურ დეცენტრალიზაციაზე. საქართველოში თვითმმართველობების მთლიანი შემოსავლების ხვედრითი წილი მშპ-სთან (მთლიანი შიდა პროდუქტი) მიმართებით, არის დაახლოებით 3,7 %, მაშინ, როდესაც ერთგვარი ევროპული მინიმუმი არის 7%. შესაბამისად, იმისათვის, რომ ჩვენ დავეწიოთ ევროპულ მინიმუმს, საჭიროა თვითმმართველობის საბიუჯეტო შემოსავლების სულ მცირე გაორმაგება. მაგალითად, შვეიცარია არის ერთ-ერთი ყველაზე დეცენტრალიზებული ქვეყანა, შვედეთი არის ერთ-ერთი ყველაზე დეცენტრალიზებული ქვეყანა. შვედეთში, დაახლოებით ათჯერ არის შემცირებული თვითმმართველი ერთეულების რაოდენობა გასული ათწლეულების განმავლობაში, ისევე, როგორც შვეიცარიაში რამდენჯერმე არის შემცირებული თვითმმართველი ერთეულების რაოდენობა, თუმცა, ეს არის ყველაზე დეცენტრალიზებული, ასე ვთქვათ, სახელმწიფოები. ვინც არის ამის სპეციალისტი, სასაცილოდაც არ ეყოფა არგუმენტები იმასთან დაკავშირებით, რომ 64 და 71 რაიმენაირად უკავშირდება დეცენტრალიზაციას",- განაცხადა პარლამენტის თავმჯდომარემ.​

ავტორი: ,

სოციალური ქსელები

სერბეთში საპარლამენტო არჩევნები მიმდინარეობს - რიგები კილომეტრებით გაიჭიმა

არჩევნებამდე სამი დღით ადრე ათასობით ისრაელელი ნეთანიაჰუს წინააღმდეგ მიტინგს მართავს

პოლიციამ ჯგუფურად ჩადენილი გამოძალვის ბრალდებით ორი პირი დააკავა

ბელგოროდში, უკრაინის მასშტაბური თავდასხმის შედეგად, ერთი ადამიანი დაიღუპა და 14 დაშავდა