სოლიდარობის ფონდის ხელმძღვანელად ია მაქაცარია დაინიშნა

2017-12-19 17:42:20, 1917 ნახვა

საზოგადოება

სოლიდარობის ფონდის ხელმძღვანელად ია მაქაცარია დაინიშნა.

ინფორმაციას მთავრობის ადმინისტრაციის პრესსახური ავრცელებს.

ფონდი პრემიერ-მინისტრის ინიციატივით, 2014 წელს დაფუძნდა და დღემდე ონკოლოგიური დაავადებების მქონე 22 წლამდე 470 ბავშვისა და მოზარდის მკურნალობა და დიაგნოსტიკა დააფინანსა, როგორც ქვეყნის შიგნით, ასევე - საზღვარგარეთ.

"სოლიდარობის ფონდის ამოქმედებიდან, საქართველოში, უსახსრობის გამო, სიმსივნით დაავადებული არც ერთი ბავშვი და ახალგაზრდა არ დაღუპულა. ფონდი საზოგადოების, კერძო სექტორისა და სახელმწიფოს თანამონაწილეობით ე.წ. „ინოვაციური დაფინანსების მექანიზმების" ამოქმედებას და ალტერნატიული რესურსების მობილიზაციას ისახავს მიზნად, რომელიც ძირითადად, 22 წლამდე ასაკის ონკოლოგიური დაავადებების მქონე ბავშვებისა და მოზარდების მხარდასაჭერად მიიმართება",-ნათქვამია საქართველოს მთავრობის ადმინისტრაციის მიერ გავრცელებულ ინფორმაციაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები