ტელეკომპანია კავკასიის გენერალური დირექტორი ნინო ჯანგირაშვილი მიიჩნევს, რომ პრეზიდენტმა "მაუწყებლის შესახებ კანონს" ვეტო უნდა დაადოს.

ჯანგირაშვილის შეფასებით, პრეზიდენტი გადაწყვეტილებას მას შემდეგ მიიღებს, რაც საზმაუს წარმომადგენლობას მოუსმენს.

"შეთანხმებით არაფერზე შევთანხმებულვართ, ჩვენ ვუთხარით მას ჩვენი არგუმენტები ყველა ასპექტში, დაწყებული კომერციული ნაწილიდან დამთავრებული სტარტაპებით და გამჭვირვალობით. პრეზიდენტმა მოისმინა ჩვენი არგუმენტები და საზმაუს წარმომადგენლებს შეხვდება. ამის შემდეგ ის მიიღებს თავის გადაწყვეტილებას. ჩვენთვის სასურველია, რომ პრეზიდენტმა კანონპროექტს ვეტო დაადოს. კომერციული მაუწყებლების დიდი ნაწილი თვლის, რომ ეს არის უსამართლობა, როდესაც ამხელა ბიუჯეტის მქონე არხი შემოდის კიდევ კომერციულ ბაზარზე და წაიღებს კერძო კომპანიების წილს. ეს განსაკუთრებით აზარალებს რეგიონულ და მცირე კომპანიების წილს. მიუღებელია ამ კანონპროექტის ამ ფორმით გატანა განსახილველად, როდესაც მთავარმა წამყვანმა კომიტეტმა ჩააგდო ეს პროექტი, მაგრამ პლენარულ სხდომაზე მაინც გაიტანეს",-განაცხადა ჯანგირაშვილმა.

ავტორი: ,

სოციალური ქსელები

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.

უკრაინული დრონები თავს დაესხნენ ომსკში, საზღვრიდან 2500 კილომეტრში მდებარე Ozon-ის საწყობს და ნავთობქიმიურ ქარხანას

ტრამპი: აშშ ირანზე დარტყმას 25 ოქტომბრიდან განიხილავს, თუმცა მნიშვნელოვანი შეთანხმების მიღწევა შესაძლებელია