პარლამენტში მმართველ გუნდს ექვსის ნაცვლად, რვა ფრაქცია ექნება.

ახალ ფრაქციებს საპარლამენტო უმრავლესობის დეპუტატები ბიძინა გეგიძე და გოჩა ენუქიძე ქმნიან.

საპარლამენტო უმრავლესობაში დაპირისპირებას გამორიცხავენ და აცხადებენ, რომ ფრაქციების დამატების მიზანი მენეჯმენტის გაუმჯობესება და საკანონო ბიუჯეტის უკეთ მართვაა.

როგორც დეპუტატმა ბიძინა გეგიძემ "იმედის" ეთერში განაცხადა, აღნიშნულ საკითხთან დაკავშირებით პროცესი ჯერ არ დასრულებულა.

"როდესაც პროცესი დასრულდება, შეიქმნება ფრაქცია და მას ეყოლება თავმჯდომარე. ამის შემდგომ, ჩვენ რა თქმა უნდა მედიასთან, ფრაქციის მიზნებსა და გეგმებზე  ვისაუბრებთ. პროცესი ჯერ არ დამთავრებულა და წინასწარ საუბარი არ ღირს", - განაცხადა გეგიძემ.

რაც შეეხება გოჩა ენუქიძეს, დეპუტატმა აღნიშნა, რომ 2 ფრაქციის დამატებასთან დაკავშირებით საბოლოო გადაწყვეტილება გუშინ მიიღეს.

"კონსულტაციები დიდი ხნის განმავლობაში გრძელდებოდა. გუშინ საბოლოო გადაწყვეტილება მივიღეთ, რომ 2 ახალი ფრაქცია იყოს. დეტალებს ვერ გეტყვით, შემადგელობაზე ჯერ მიდის კონსულტაციები. ჩვენ ისევ ერთი მონოლიტური გუნდი ვრჩებით, როგორც ვიყავით", - დასძინა დეპუტატმა.

ავტორი: ,

სოციალური ქსელები

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.

უკრაინული დრონები თავს დაესხნენ ომსკში, საზღვრიდან 2500 კილომეტრში მდებარე Ozon-ის საწყობს და ნავთობქიმიურ ქარხანას

ტრამპი: აშშ ირანზე დარტყმას 25 ოქტომბრიდან განიხილავს, თუმცა მნიშვნელოვანი შეთანხმების მიღწევა შესაძლებელია