„თუ ჩვენ გვინდა ცვლილებები საზოგადოებრივ მაუწყებელში, მაშინ უნდა მივცეთ შესაბამისი საკანონმდებლო ცვლილებების განხორციელების საშუალებაც შესაბამის სუბიექტებს",- ასე უპასუხა პარლამენტის თავმჯდომარემ  კანონპროექტზე - „მაუწყებლობის შესახებ" საქართველოს კანონში ცვლილების შეტანის თაობაზე" დასმულ შეკითხვას.

 ირაკლი კობახიძის თქმით,  პროექტის მხარდაჭერის მთავარი არგუმენტიც სწორედ ეს იყო. პარლამენტის თავმჯდომარე მიიჩნევს, რომ საზოგადოებრივ მაუწყებელში ცვლილებები საჭიროა.

„ჩვენ მოვუსმინეთ ყველას საზოგადოებრივი მაუწყებლის კანონთან დაკავშირებით. მოვისმინეთ მათი არგუმენტები, თუმცა ჩვენ საბოლოო ჯამში ვიმსჯელეთ ყველაფერთან დაკავშირებით და გადავწყვიტეთ მხარი დაგვეჭირა საზოგადოებრივი მაუწყებლის კანონისთვის. არგუმენტი მთავარი იყო ის, რომ თუ ჩვენ გვინდა ცვლილებები საზოგადოებრივ მაუწყებელში, მაშინ უნდა მივცეთ შესაბამისი საკანონმდებლო ცვლილებების განხორციელების საშუალებაც შესაბამის სუბიექტებს. სწორედ ეს გახდა გადაწყვეტილების საფუძველი. ცვლილებები საჭიროა, ნამდვილად, საზოგადოებრივ მაუწყებელში იმისათვის, რომ გაიზარდოს მისი რეიტინგი. არ შეიძლება 50 მილიონი იხარჯებოდეს იმ რეიტინგში, რომლითაც არის დღეს წარმოდგენილი საზოგადოებრივი მაუწყებელი. ინტერესი არის, რომ გაიზარდოს რეიტინგი, ამაზე მიდის მუშაობა და სწორედ საკანონმდებლო ცვლილებებიც ამას ემსახურება. ემსახურება იმას, რომ უფრო მეტად შევიდეს კონკურენციაში საზოგადოებრივი მაუწყებელი ბაზარზე და უფრო მეტად განავითაროს საკუთარი კონკურენტული რესურსები",- განაცხადა ირაკლი კობახიძემ.

ავტორი: ,

სოციალური ქსელები

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.

უკრაინული დრონები თავს დაესხნენ ომსკში, საზღვრიდან 2500 კილომეტრში მდებარე Ozon-ის საწყობს და ნავთობქიმიურ ქარხანას

ტრამპი: აშშ ირანზე დარტყმას 25 ოქტომბრიდან განიხილავს, თუმცა მნიშვნელოვანი შეთანხმების მიღწევა შესაძლებელია