"არცერთ ტყუილს არ გაგიტარებთ, ის წლები, როდესაც თავზე ეჯექით ყველას, დასრულებულია", - აღნიშნული განცხადება თბილისის მერმა კახა კალაძემ, საკრებულოში, ოპოზიციის საპასუხოდ განაცხადა.

თბილისის მერმა უფასო სასადილოებთან დაკავშირებით დასმულ შეკითხვას უპასუხა და აღნიშნა, რომ

უფასო სასადილოების მიმართულებით ბიუჯეტი  ნახევარი  მილიონით არის გაზრდილი.

"თუ თქვენ მეკითხებით, თანხები საკმარისია თუ არა, გეტყვით, არ არის საკმარისი, მაგრამ  გამოვდივარ იმ შესაძლებლობიდან, რა შესაძლებლობაც გააჩნია ქვეყანას", - განაცხადა კახა კალაძემ.

თბილისის მერმა მოუწოდა ოპოზიციას, წარმოადგინონ რეალური ხედვები და პროექტები,  თუ რა შეიძლება გაკეთდეს დედაქალაქისთვის.

"მე ვთხოვ ოპოზიციას, წარმოადგინონ რეალური ხედვები და პროექტები,  თუ რა შეიძლება განხორციელდეს. კიდევ ერთხელ ვიმეორებ, მერიის კარი ღიაა იმათთვის, ვისაც აქვს კონკრეტული გეგმა იმასთან დაკავშირებით, რა შეიძლება გაკეთდეს დედაქალქისთვის. შესაბამისად, თუ გექნებათ კონკრეტული  ხედვები, მივმართავ ოპოზიციას,  ჩვენ  მზად ვართ შევხვდეთ, ერთად განვიხილოთ და განვახორციელოთ ეს პროექტები ქალაქის საკეთილდღეოდ", - განაცხადა კახა კალაძემ. 

(NS)

ავტორი: ,

სოციალური ქსელები

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.

უკრაინული დრონები თავს დაესხნენ ომსკში, საზღვრიდან 2500 კილომეტრში მდებარე Ozon-ის საწყობს და ნავთობქიმიურ ქარხანას

ტრამპი: აშშ ირანზე დარტყმას 25 ოქტომბრიდან განიხილავს, თუმცა მნიშვნელოვანი შეთანხმების მიღწევა შესაძლებელია