ჩეხეთის პრეზიდენტმა ევროკავშირი პალესტინელი ტერორისტების მხარდაჭერაში დაადანაშაულა

2017-12-10 13:08:54, 2519 ნახვა

პოლიტიკა

ჩეხეთის პრეზიდენტმა მილოშ ზემანმა, ევროკავშირი პალესტინელი ტერორისტების მხარდაჭერაში დაადანაშაულა.

ამის შესახებ პრეზიდენტმა კონფერენციაზე „თავისუფლება და პირდაპირი დემოკრატია“ სიტყვით გამოსვლისას განაცხადა.

ინფორმაციას ადგილობრივი მედია ავრცელებს.

„მშიშარა ევროკავშირი ყველაფერს აკეთებს, რომ პალესტინელმა ტერორისტებმა გაიმარჯვონ ებრაელებზე“, - განაცხადა ზემანმა.

ზემანის შეფსება პალესტინის სახალხო ფრონტის წარმომადგენლის, ლეილა ჰალედის ევროპარლამენტში გამოსვლას მოჰყვა, რომელმაც პალესტინელების ბრძოლა ავტონომიისთვის, ებრაელების ოსვენციმში დახოცვას შეადარა. ჩეხეთის პრეზიდენტი ზემანი მხარს უჭერს დონალდ ტრამპის განცხადებას საელჩოების იერუსალიმში გადატანის შესახებ. მან ასევე აღნიშნა, რომ ჩეხეთის საელჩოც იერუსალიმში უნდა იყოს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები