იუსტიციის მინისტრმა თეა წულუკიანმა თემქის მოხუცთა პანსიონატის ბენეფიციარებს ახალი წელი მიულოცა.

იუსტიციის მინისტრთან ერთად თემქის მოხუცთა პანსიონატს, სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ წარმომადგენლებიც სტუმრობდნენ.

პანსიონატში ბენეფიციარებმა საზეიმო კონცერტი გამართეს და იქ დამსწრე საზოგადოებას დამდეგი ახალი წელი მიულოცეს.

“ჩვენ დღეს ახალი წლის მოსალოცად თემქის მოხუცთა პანსიონატში მოვედით. ეს ის ადამიანები არიან, რომლებიც 2012 წლის ოქტომბრის არჩევნებზე ჩემი ამომრჩევლები არიან. მე მათთან ახლო და სპეციალური ურთიერთობები მაკავშირებს, რომელიც ჩემთვის ძვირფასია და სწორედ ამიტომ მოვედი აქ, რომ მათ ახალი წელი მივულოცო. ჩვენ ვმუშაობთ, რომ ძველ და ახალ თაობას მჭიდრო კავშირი ჰქონდეთ და აქ არიან ახალგაზრდები, რომლებიც მათ გაახალისებენ”, - განაცხადა წულუკიანმა.

იუსტიციის მილოცვის შემდეგ, ღონისძიების მონაწილეებს დანაშაულის პრევენციის ცენტრის დირექტორმა მიმართა და პროექტ „ორი თაობის“ შესახებ ესაუბრა.

პროექტ „ორი თაობის“ მიზანია ახალგაზრდა მონაწილეებში უფროსი თაობის მიმართ მზრუნველობისა და პასუხისმგებლობის გრძნობის განვითარებაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა