53-ე სკოლის დირექტორი: ჩემი მოსწავლეები დაჭრილები არ არიან

2017-12-01 18:03:04, 2422 ნახვა

სამართალი

53-ე სკოლის დირექტორის ეკა გახარია ინფორმაციით, მისი სკოლის მოსწავლეები ხორავას ქუჩაზე მომხდარი ფაქტის დროს დაჭრილები არ არიან.

როგორც დირექტორმა "ტვ პირველის" ეთერში განაცხადა, სკოლის მიმდებარე ტერიტორიაზე კამერებია დამონტაჟებული და გამოძიება ყველაფერს დაადგენს.

"ისინი არ იყვნენ ჩემი სკოლის მოსწავლეები. როგორ გითხრათ, როდესაც მიმდინაროებს გამოძიება, როდესაც 53-ე სკოლის მოსწავლეები არ არიან დაჭრილები, არ ფიგურირებენ საქმეში. თუ დავუშვათ, რომ 51-ე სკოლის მოსწავლეები ჩემი სკოლის მოსწავლემ დაჭრა, არსებობს უამრავი ვიდეოკამერა და ამას გამოძიება დაადგენს", - განაცხადა ეკა გახარიამ.

შეგახსენებთ, რომ ხორავას ქუჩაზე ურთიერთშელაპარაკების დროს 2 მოსწავლე დაიჭრა. ერთ-ერთი საავადმყოფოში მიყვანამდე დაიღუპა, მეორეს კი, ოპერაცია ჩაუტარდა. ექიმების ინფორმაციით, მისი მდგომარეობა მძიმეა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები