ლუბლიანას ქუჩაზე მომხდარ სროლასთან დაკავშირებით პროკურატურამ გამოძიება 3 მუხლით დაიწყო, - ამის შესახებ "ექსპრესნიუსს" პროკურატურაში განუცხადეს. 

როგორც უწყებაში აცხადებენ, ამ ეტაპზე მიმდინარეობს შემთხვევის ადგილის დათვალიერება და ტარდება გადაუდებელი საგამოძიებო და საპროცესო მოქმედებები. 

"თბილისის პროკურატურის საგამოძიებო ნაწილში დაიწყო გამოძიება ცეცხლსასროლი იარაღის მართლსაწინააღმდეგო შეძენა/შენახვა/ტარების,მოქალაქის ჯანმრთელობის განზრახ მძიმე დაზიანებისა და პოლიციელზე თავდასხმის ფაქტზე, საქართველოს სსკ-ის 117-ე მუხლის პირველი ნაწილით, 236-ე მუხლის მეორე და მესამე ნაწილებით და 353-ე პრიმა მუხლის პირველი ნაწილით. ამ ეტაპზე მიმდინარეობს შემთხვევის ადგილის დათვალიერება და ტარდება გადაუდებელი საგამოძიებო და საპროცესო მოქმედებები, გამოძიების მიმდინარეობის შესახებ დამატებით ეცნობება საზოგადოებას", - აცხადებენ პროკურატურაში. 

შეგახსენებთ, რომ ლუბლიანას ქუჩაზე დღეს სროლა იყო, რის შედეგადაც ორი ადამიანი დაშავდა. ოჯახური კონფლიქტის დროს მამაკაცმა ადგილზე მისულ სამართალდამცველებს ცეცხლი გაუხსნა, შემდეგ კი, ყოფილ მეუღლეს სახეში ესროლა. 

ავტორი: ,

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა