გიორგი კვირიკაშვილი 29 ნოემბერს მოლდოველ კოლეგას უმასპინძლებს

2017-11-28 19:42:04, 2196 ნახვა

პოლიტიკა

საქართველოს ოფიციალური ვიზიტით მოლდოვას რესპუბლიკის პრემიერ-მინისტრი პაველ ფილიპი ეწვია.

29 ნოემბერს, 11:00 საათზე, საქართველოს მთავრობის ადმინისტრაციაში მოლდოვას რესპუბლიკის პრემიერ-მინისტრის დახვედრის ოფიციალური ცერემონია გაიმართება.

11:15 საათზე, საქართველოს პრემიერ-მინისტრი გიორგი კვირიკაშვილი მოლდოველ კოლეგას პირისპირ შეხვედრაზე უმასპინძლებს, რის შემდეგაც, ორი ქვეყნის მთავრობის წევრების მონაწილეობით, გაფართოებული ფორმატის შეხვედრა გაიმართება.

გაფართოებული შეხვედრის შემდეგ, მთავრობის ადმინისტრაციაში, დაგეგმილია ხელმოწერა დოკუმენტებზე, რომლებიც ორ ქვეყანას შორის სხვადასხვა სფეროში თანამშრომლობას გულისხმობს.

12:30 საათზე, საქართველოსა და მოლდოვას რესპუბლიკის პრემიერ-მინისტრები მედიისთვის განცხადებებს გააკეთებენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები