გამოძიების ამ ეტაპზე არსებობს დასაბუთებული ვარაუდი, რომ ბრალდებული გაერთიანდა ტერორისტულ ორგანიზაციაში, - ამის შესახებ პროკურორმა ირაკლი მარშანიამ განაცხადა.

მარშანიას ინფორმაციით, მას ბრალი ასევე იარაღის მართლსაწინააღმდეგო შეძენა-შენახვა-ტარება ედება. 

"გარდა ამისა, მას ბრალი ედება, იმაში რომ ტერორისტული მიზნით შეიძინა, ინახავდა და ატარებდა ცეცხლსასროლ იარაღს, საბრძოლო მასალას და ფეთქებად ნივთიერებებს. ამ ეტაპზე, ჩვენ მოცემულ საქმეზე გვაქვს ყველა საფუძველი იმისა, რომ ბრალდებულს შეეფარდოს პატიმრობა, რაც გათვალისწინებულია საქართველოს სისხლის სამართლის საპროცესო კოდექსით", - აღნიშნა ირაკლი მარშანიამ.

კითხვაზე - რომელ ტერორისტულ ორგანიზაციაში არის გაწევრიანებული დაკავებული პირი, მარშანიამ აღნიშნული ინფორმაციის გასაჯაროებისგან თავი შეიკავა.

"მესმის, რომ საზოგადოების მხრიდან არის დიდი ინტერესი ამ საქმის მიმართ, თუმცა არსებობს გამოძიების ინტერესიც და აქედან გამომდინარე მიზანშეწონილად არ მიმაჩნია, რომ ეს ინფორმაცია გავამჟღავნოთ", - დასძინა პროკურორმა.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ