საქართველოს შინაგან საქმეთა მინისტრი გიორგი გახარია გაბრიელ სალოსის გამზირზე მივიდა, სადაც ანტიტერორისტული ოპერაცია მიმდინარეობს.

მას მედიასთან კომენტარი არ გაუკეთებია.

„ექსპრესნიუსის“ კორესპონდენტის ინფორმაციით, ადგილზე ამ დრომდე პერიოდულად ისმის სროლის და აფეთქებების ხმა.

სპეციალური დანიშნულების რაზმმა იმ კორპუსზე მიიტანა შტურმი, სადაც ტერორიზმში ეჭვმიტანილი პირები არიან გამაგრებული. ისინი სამართალდამცველების მიმართულებით პერიოდულად ცეცხლს ხსნიან და ფანჯრიდან ხელყუმბარებს აგდებენ.

ადგილზე სპეცრაზმის გარდა ძალოვანი სტრუქტურების სხვადასხვა დანაყოფებია მობილიზებული. სპეცოპერაციაში ჩართული არიან ასევე ჯავშანმანქანები.

შეგახსენებთ, რამდენიმე საათის წინ სპეცოპერაციის დროს ერთი სპეცრაზმელი დაიჭრა. მას ჭრილობა თავის არეში აქვს მიყენებული. დაშავებულს სასწრაფო ოპერაცია ჩაუტარდა. მისი ჯანმრთელობის მდგომარეობა კრიტიკულია. გარდა ამისა, გავრცელდა ინფორმაცია, რომ სპეცოპერაციის დროს კიდევ ერთი სამართალდამცველი დაიჭრა, თუმცა ამ ინფორმაციას უწყებები არ ადასტურებენ.

სპეცოპერაციის შედეგად ამ დროისთვის მხოლოდ ერთი პირია დაკავებული.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ