კონსტიტუციის გადასინჯვის პროექტის საყოველთაო-სახალხო განხილვაზე პარლამენტის თავმჯდომარემ, სახელმწიფო საკონსტიტუციო კომისიის ხელმძღვანელმა ირაკლი კობახიძემ მოქალაქის კითხვაზე საპასუხოდ, კონსტიტუციაში ტერიტორიული მთლიანობის აღდგენის შესახებ ჩანაწერებზე ისაუბრა.

მისი თქმით, ტერიტორიული მთლიანობის აღდგენის საკითხი კონსტიტუციის სხვადასხვა მუხლში რამდენჯერმეა ხაზგასმული.

 "რამდენიმე მუხლი უკავშირდება ტერიტორიული საკითხის აღდგენას. ის, რომ კონსტიტუციური მიზანია თავისთავად ტერიტორიული მთლიანობის აღდგენა, ეს პირდაპირ ჩანს კონსტიტუციის რამდენიმე ჩანაწერიდან",-განაცხადა კობახიძემ.

რაც შეეხება სტრატეგიული დოკუმენტისა და სტრატეგიული გეგმის გაწერას, მისი განმარტებით, ასეთი რამ კონსტიტუციით გათვალისწინებული ვერ იქნება:

"კონსტიტუციაში არ დგინდება გარკვეული გეგმების შედგენის პროცედურა, წესი, ვადები და ა.შ. ზოგადად, მიზანი განსაზღვრულია ტერიტორიული მთლიანობის აღდგენის. გეგმა თვითონ კანონმდებლობის საქმეა და პრაქტიკის საქმეა. კონსტიტუცია ვერ დაავალებს სხვა ორგანოს, შეიმუშავოს ტერიტორიული მთლიანობის აღდგენის გეგმა",-განაცხადა ირაკლი კობახიძემ და დასძინა, რომ ტერიტორიული მთლიანობის აღდგენა,  ხელისუფლების ერთ-ერთი მთავარი საზრუნავია:

"მე პირადად ძალიან აქტიურად ვარ ჩართული, ნებისმიერ საერთაშორისო ფორმატს ვიყენებთ იმისათვის, რომ ყველა შემთხვევაში ხაზი გავუსვათ იმ საკითხს, რასაც ჰქვია დეოკუპაცია, არაღიარების პოლიტიკა, ეს ხელისუფლების ყველა წარმომადგენლის ყოველდღიური საქმიანობის ნაწილია",-განმარტა პარლამენტის თავმჯდომარემ.

ავტორი: ,

სოციალური ქსელები

კობახიძე საარჩევნო კოდექსში ცვილებებზე -არაფერი არ იზღუდება, ყველა უბნის ოქმი შეიძლება გასაჩივრდეს

კობახიძე -რაც არ უნდა შეამცირო გადასახადი, ეს რადიკალურად ვერ აისახება საწვავის ფასზე

"საუკეთესო ავტოგაქირავების კომპანია აღმოსავლეთ ევროპაში" - Europcar Georgia World Luxury Travel Awards-ის გამარჯვებული მეოთხედ გახდა

XC60 - 110 000 ლარად, XC90 - 145 000 ლარად - „ვოლვო ქარ საქართველოს“ უპრეცედენტო შეთავაზება ფლაგმან მოდელებზე