"ელიტ ელექტრონიქსმა"  ქავთარაძის #1-ში არსებული მაღაზია  გააფართოვა და ამიერკავკასიაში ყველაზე დიდი  ტექნიკის  მაღაზია გახსნა.

მაღაზია არა მხოლოდ მასშტაბით, არამედ უნიკალური  კონცეფციით არის გამორჩეული. "ელიტ ელექტრონიქსი" მომხმარებელს სთავაზობს ტექნიკის საუკეთესო ბრენდების  ყველაზე დიდ არჩევანს საქართველოში.

მაღაზიაში წარმოდგენილია  მსოფლიოში წამყვანი ბრნდების-Apple-ის, Sony-ის, Samsung-ის მობილურების, Bosch-ის, Siemens-ის, Corenje-ს, Philips-ის, Acer-ისა  da Lenovo-ს შოურუმები.

მოგეხსენებათ, რომ "ელიტ ელექტრონიქსი" არის Apple-ის ავტორიზებული პარტნიორი საქართველოში, Bosch-ის, Siemens-ის, Corenje-ს ექსკლუზიური და ერთადერთი წარმომადგენელი.

"ელიტ ელექტრონიქსის" მაღაზიაში მომხმარებლისთვის მაქსიმალურად  კომფორტული გარემოა შექმნილი. მათ შეუძლიათ იქვე ისარგებლონ  ბავშვთა გასართობი  სივრცით, სადაც საშუალება ექნებათ, შვილი დატოვონ, სანამ  თავად სასურველ ტექნიკას შეარჩევენ. ასევე, მაღაზიაში წარმოდგენილია "ელიტ კაფე", სადაც მომხარებელს შეუძლია მიირთვას  უგემრიელესი  ყავა, დაისვენოს, რითაც  თავისუფლად მიიღებს გადაწყვეტილებას შენაძენზე.

"ეს ობიექტი აქამდეც იყო გახსნილი, უბრალოდ, მოხდა ამ ობიექტის გაფართოება- დაემატა 800 კვადრატული მეტრი, რაც ნიშნავს, რომ ეს არის ტექნიკის ყველაზე დიდი მაღაზია საქართველოში და არა მხოლოდ საქართველოში, ეს არის ყველაზე დიდი ტექნიკის მაღაზია ამიერკავკასიაში. აქ უამრავი სხვადასხვა ბრენდია წარმოდგენილი. პირველ რიგში, ჩვენთვის მთავარია, რომ ვიყოთ ყველასთვის და ნებისმიერ მომხმარებელს შეუძლია, მოძებნოს ის პროდუქტი, რომელიც არის მისთვის ხელსაყრელი. აქ წარმოდგენილია როგორც საშუალო სეგმენტი, ასევე მაღალი სეგმენტი. აღსანიშნავია, რომ გახსნასთან დაკავშირებით იმოქმედებს სპეციალური ფასდაკლების აქციები და ერთი კვირის განმავლობაში გაგრძელდება. ამასთან, წელს ჩვენ მნიშვნელოვან პროექტებს ვახორციელებთ. 1 თვის წინ ქალაქ ბათუმში გავხსენით მაღაზია და კვლავ ვგეგმავთ გაფართოებას",-განაცხადა "ელიტ ელექტრონიქსი" გენერალურმა დირექტორმა ვატო ჯობავამ.

ცნობისთვის, "ელიტ ელექტრონიქსი" საქართველოს სამომხმარებლო ბაზარზე 19 წელია მოღვაწეობს და მისი მიზანია, მიაწოდოს თანამედროვე და ხარისხიანი  პროდუქცია მომხმარებელს, ასევე შეუქმნას მათ მაქსიმალურად კომფორტული გარემო ტექნიკის შესაძენად, გაუწიოს მაღალკვალიფიციური  კონსულტაცია და ბაზარზე მუდამ ინოვაციური პროექტებით წარდგეს.

"ელიტ ელექტრონიქსი" დღესდღეობით ტექნიკის ბაზარზე ყველაზე დიდი სავაჭრო ქსელითაა წარმოდგენილი. საუკეთესო პროდუქტი, ფართო და მუდმივად განახლებადი ასორტიმენტი, საგარანტიო და გაყიდვის  შემდგომი მომსახურება, შეძენილი ნივთის ადგილზე მიტანა და მომსახურების მაღალი დონე-ყოველივე ეს განაპირობებს "ელიტ ელექტრონიქსის" დღევანდელ სახელსა და ადგილს საქართველოს  სამომხმარებლო ბაზარზე. (რ)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი რაფალიანცის და ეროსი კიწმარიშვილის მკვლელობას ივანიშვილს უკავშირებს

სადიგოვის აზერბაიჯანში გაძევება არის ადამიანის უფლებათა ევროპული კონვენციის დარღვევა - საია

პროდუქტების ჩამონათვალი რომელიც პატიმრების ახლობლებს შეუძლიათ ციხეებში სააღდგომოდ შეიტანონ

Global Finance-მა საქართველოს ბანკი საუკეთესო ბანკად დაასახელა საქართველოში