„ქართული ოცნების“ თიანეთის მერობის კანდიდატი ლელა ქიტესაშვილი თბილისის საქალაქო სასამართლოს გადაწყვეტილებით იმედგაცრუებულია.

როგორც მან ჟურნალისტებს განუცხადა, დაკარგულ 6 ბიულეტენს არჩევნების შედეგზე გავლენის მოხდენა შეუძლია, ამიტომ სასამართლოს მისი მოთხოვნა მეორე ტურის გამართვასთან დაკავშირებით,  უნდა დაეკმაყოფილებინა.

ლელა ქიტესაშვილს ჯერჯერობით გადაწყვეტილი არ აქვს, მიმართავს თუ არა ზემდგომ ინსტანციას, თუმცა აღნიშნავს, რომ დიდი ალბათობით, ბოლომდე იბრძოლებს:

„სამწუხაროდ, ამ ეტაპზეც მე ვერ ვიპოვე სამართალი- ძალიან გულდასაწყვეტია,  დიდი ალბათობით, მე ბოლომდე ვიბრძოლებ ჩემი სიმართლისთვის, დაკარგული 6 ბიულეტენი არის გავლენის მომხდენი შედეგზე და დიდი იმედი მქონდა, რომ საქალაქო სასამართლო  მაინც სწორად წაიკითხავდა კანონს, ან მე ამიხსნიდა, ვნახოთ რას ამიხსნის, როგორ იკითხება კანონი, ეს ჩემთვის ძალიან ძალიან მნიშვნელოვანია“,-განაცხადა ლელა ქიტესაშვილმა.

შეგახსენებთ, თბილისის საქალაქო სასამართლომ პარტია „ქართული ოცნება დემოკრატიული საქართველოს” თიანეთის მერობის კანდიდატის ლელა ქიტესაშვილის სარჩელი არ დააკმაყოფილა. ქიტესაშვილი თიანეთში არჩევნების მეორე ტურის გამართვას ითხოვდა.

ამ დროის მდგომარეობით, თიანეთის არჩევნებში გამარჯვებულად კვლავ თამაზ მეჭიაური ითვლება.

ცნობისთვის, 27 ოქტომბერს, თბილისის სააპელაციო სასამართლომ თიანეთის მერის არჩევნებთან დაკავშირებით მცხეთის რაიონული სასამართლოს გადაწყვეტილება ძალაში დატოვა, რომლის თანახმად,  თიანეთის მერი თამაზ მეჭიაური გამოდის.

სასამართლოს ამ გადაწყვეტილების შეფასებისას,  ლელა ქიტესაშვილმა თამაზ მეჭიაურს თიანეთის მერის თანამდებობაზე  წარმატებებიც უსურვა, თუმცა მოგვიანებით პოზიცია შეცვალა და ცენტრალურ საარჩევნო კომისიას  მეორე ტურის დანიშვნის მოთხოვნით  მიმართა.  აღნიშნული მოთხოვნა ცესკომ არ დააკმაყოფილა, რის შემდეგაც მან  ცესკოს  გადაწყვეტილება სასამართლოში გაასაჩივრა.

ავტორი: ,

სოციალური ქსელები

კმარა სუნთქვა აღარ შეგვიძლია - თურქეთში ათასობით ადამიანი ჟურნალისტების დაკავებების წინააღმდეგ გამოვიდა

სეს: სუნელ-სანელებლებში სუდანის ჯგუფის აზო-საღებავები გამოვლინდა

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს