„რუსმა ჰაკერებმა, რომლებიც 2016 წელს ამერიკის შეერთებული შტატების საპრეზიდენტო არჩევნებში ჩაერივნენ, კიბერშეტევები მთელი მსოფლიოს მასშტაბით განახორციელეს“, - ამის შესახებ ინფორმაციას Businessinsider იუწყება.

მედია საშუალების ინფორმაციით, კიბერუსაფრთხოების ფირმა Secureworks-მა დადგინდა, რომ 2015 წლის მარტიდან 2016 წლის მაისამდე ყველაზე მეტი ჩარევა რუსმა ჰაკერებმა ამერიკაში, უკრაინაში, რუსეთში, საქართველოსა და სირიაში განახორციელეს.

მედიის ცნობით, კიბერთავდასხმები განხორციელდა ამერიკის პრეზიდენტობის კანდიდატ ჰილარი კლინტონის საარჩევნო კამპანიაზე, უკრაინელი ოფიცრების პირად მეილებზე, რუს ოპოზიციონერებზე და ათასობით სხვა პირებსა თუ ორგანიზაციებზე, ვინც კრემლის ინტერესის სფეროში არიან. თავდასხმების შესაბამისი სია თავის დროზე ექსკლუზიურად The Associated Press-მა გამოაქვეყნა.

მტკიცებულებების თანახმად, ჰაკერებს რუსეთის ხელისუფლებასთან მჭიდრო კავშირი აქვთ. არსებულ სიაში ჰაკერებს კიბერთავდასხმის სამიზნე Gmail-ის 4 700 მომხმარებელი გახდა.   

გარდა ამისა, მედიის ცნობით, Fancy Bears-ის სახელით ცნობილი დაჯგუფების წევრებმა ამერიკაში 573 ელექტრონულ ფოსტაში შეღწევა სცადეს. სამიზნეთა შორის იყო ყოფილი სახელმწიფო მდივანი ჯონ კერი, ასევე ევროპაში ნატოს ძალების მეთაური ფილიპ ბრიდლავი და მისი წინამორბედი უესლი კლარკიც.

კემბრიჯის კონფლიქტების შემსწავლელ კვლევით ცენტრში აცხადებენ, რომ სიაში მოხვდა ყველა ის პირი, ვისი დისკრედიტაცია, დაშინება ან გაჩუმებაც კრემლს სურდა.

რუსეთში Fancy Bears-ის ჰაკერების სამიზნე ხელისუფლების მოწინააღმდეგე აქტივისტები, ჟურნალისტები და ოპოზიციონერები მიხეილ ხოდორკოვსკი და ალექსეი ნავალნი გახდნენ.

უკრაინის მასშტაბით, ჰაკერებმა 545 თავდასხმა განახორციელეს, მათ შორის ქვეყნის პრეზიდენტის პეტრო პოროშენკოს ინტერნეტ ანგარიშებზე.

რაც შეეხება საქართველოს, გამოვლინდა 125 ელექტრონულ ფოსტაში შეღწევის მცდელობა.

სპეციალისტების თქმით, Fancy Bears-ი კრემლის მიერ არის შექმნილი. მათივე ინფორმაციით, ხშირად ჰაკერების სამიზნეებს, რუსეთის გარდა, ერთმანეთთან საერთო არაფერი აკავშირებდათ. მაგალითად, გარემოს დამცველი აქტივისტი მურმანსკში, დამოუკიდებელი გაზეთი სომხეთში და საგანმანათლებლო ორგანიზაცია ყაზახეთში.

ცნობისთვის, ჰაკერული დაჯგუფება Fancy Bears 2000-იან წლებში შეიქმნა. დაჯგუფებამ  2016 წელს აშშ-ის დემოკრატიული პარტიის სერვერებზე იერიში მიიტანა.

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ