ამერიკის შეერთებული შტატების პრეზიდენტის დონალდ ტრამპის იმპიჩმენტის პეტიციას, 10 დღის განმავლობაში მილიონზე მეტმა ადამიანმა მოაწერა ხელი, - ამის შესახებ Hill იუწყება.

მედია საშუალების ინფორმაციით, პეტიცია ამერიკელი მილიარდერის ტომ სტაიერის ვებგვერდზეა განთავსებული. ტომ სტაიერი დემოკრატიული პარტიის მხარდამჭერია. მილიარდერი დონალდ ტრამპს კანონების დარღვევასა და აგრესიულ საგარეო პოლიტიკაში ადანაშაულებს. გარდა ამისა, სტაიერმა ტრამპის გადაწყვეტილება Obamacare-ის გაუქმებასთან დაკავშირებით  გააკრიტიკა. მან გუბერნატორებს, მერებსა და კანონმდებლებს ტრამპის იმპიჩმენტისთვის მხარდაჭერისკენ მოუწოდა.

მედიის ცნობით, დონალდ ტრამპის იმპიჩმენტს შესახებ პეტიციას 1,119,720 ხელმოწერა აქვს.

ტრამპი დაწყებულ კამპანიას Twitter-ზე უკვე გამოეხმაურა. "მატყუარა ტომ სტაიერი, თავიდანვე იბრძოდა ჩემს წინააღმდეგ და ჩემი პროგრამის წინააღმდეგ, თუმცა ის არჩევნებს არასდროს მოიგებს", - წერს ტრამპი.

შეგახსენებთ, დონალდ ტრამპის რეიტინგი მისი მმართველობის ერთი წლის თავზე საგრძნობლად დაეცა. კვლევის თანახმად, ამერიკის გამოკითხული მოსახლეობის 58% რესპუბლიკელი პრეზიდენტის პოლიტიკით უკმაყოფილოა. ამასთან, ტრამპს გამოკითხულთა მხოლოდ 38% ენდობა.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს