საშინელი წელიწადი მქონდა, გარდა კარტოფილის მოსავლისა, ისიც ლუკაშენკომ მაჩუქა სათესლე მასალა, თორემ არ ვიცი, მოვიდოდა თუ არ მოვიდოდა, - ამის შესახებ პრეზიდენტმა გიორგი მარგველაშვილმა ფერმერებთან შეხვედრის დროს განაცხადა.

პრეზიდენტმა მიმდინარე წლის მოსავალი ნეგატიურად შეაფასა.

„ფაქტობრივად, ყველაფერი ძალიან ცუდად მოვიდა. პამიდორს რაღაც ჭლექი დაემართა, კიტრი საერთოდ არ მოვიდა, ფაქტობრივად კაკალი მთლიანად გაოხრებულია. ჩემი ფინანსური და ოჯახის შემოსავალი ეს რომ ყოფილიყო, იქნებოდა აბსოლუტური კატასტროფა. არაფერი დამირღვევია, არც აგროვადები, არც მორწყვა არ დამიკლია, უბრალოდ არ მოვიდა, მოუსავლიანი წელიწადი იყო. რა დამაზღვევდა ამ პროცესში, რა უზრუნველყოფდა იმას, რომ მე შიმშილის ზღვარზე არ გამევლო, მარტო ამაზე რომ ვყოფილიყავი დამოკიდებული, ფაქტობრივად, მე ეს რესურსი ვერ დავინახე. ნებისმიერ შემთხვევაში მზად ვარ თქვეთან დიალოგისთვის და იმის მოსმენისთვის რა გიჭირთ, რა წარმოადგენს თქვენს  მიზნებს", - განაცხადა მარგველაშვილმა.

ცნობისთვის, საქართველოს პრეზიდენტ გიორგი მარგველაშვილს ფერმერთა ასოციაციის პრეზიდენტმა ნინო ზამბახიძემ პრეზიდენტის სასახლეში გამართულ შეხვედრაზე დარგის განვითარებისთვის მნიშვნელოვანი ახალი პროექტების შესახებ ანგარიში წარუდგინა.

ავტორი: ,

სოციალური ქსელები

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა