ნიგერიაში ტერორისტულ თავდასხმას 13 ადამიანის სიცოცხლე ემსხვერპლა

2017-10-23 11:44:47, 2180 ნახვა

მსოფლიო

ნიგერიის ქალაქ მაიდუგურში 3 თვითმკვლელმა ტერორისტმა თავი აიფეთქა, რის შედეგადაც 13 ადამიანი დაიღუპა, - ამის შესახებ VOANEWS იუწყება.

მედია საშუალების ინფორმაციით, აფეთქების დროს კიდევ 20-მდე ადამიანი დაშავდა.

მედიის ცნობით, მომხდარზე პასუხისმგებლობა ჯერ არც ერთ ტერორისტულ დაჯგუფებას არ აუღია, თუმცა ადგილობრივი ხელისუფლება ვარაუდობს, რომ აფეთქება დაჯგუფება "ბოკო ჰარამის" წევრებმა მოაწყეს.

მისი წევრები ქვეყანაში დასავლური განათლების შემოღებას ეწინააღმდეგებიან და ხელისუფლებას მოუწოდებენ შარიათის კანონები გამოიყენონ. ნიგერიაში ბოლო დროს განხორციელებული ტერაქტების ორგანიზება თავის თავზე სწორედ ამ დაჯგუფებამ აიღო.

ცნობისთვის, აპრილის თვიდან ამ დრომდე დაჯგუფების ქმედებების გამო 223 მშვიდობიანი მოქალაქე დაიღუპა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები