2017-10-22 14:31:17, 2056 ნახვა

---

ცესკოს წინასწარი მონაცემებით, ამ დროისთვის საქართველოს მასშტაბით პროპორციულ ნაწილში „ქართული ოცნება“ ლიდერობს

ცენტრალურმა საარჩევნო კომისიამ საქართველოს მასშტაბით არსებული 3 644 საარჩევნო უბნიდან 3 265 უბანზე ამომრჩეველთა ხმები უკვე დაითვალა.

ცესკოს წინასწარი მონაცემებით, 3 265 უბანზე პროპორციულ ნაწილში „ქართულმა ოცნებამ“ ხმათა 55,54% მოიპოვა.

მეორე ადგილზეა „ერთიანი ნაციონალური მოძრაობა“ 17,14%-ით, მესამე ადგილს კი, 10,48%-ით „ბაქრაძე, უგულავა - ევროპული საქართველო“ იკავებს.

რაც შეეხება სხვა პოლიტიკურ პარტიებს, ამომრჩეველთა ხმები ასე გადანაწილდა:

„დავით თარხან-მოურავი, ირმა ინაშვილი - საქართველოს პატრიოტთა ალიანსი“ – 6,46%;

„შალვა ნათელაშვილი - საქართველოს ლეიბორისტული პარტია“ – 3.3%;

„დიმიტრი ლორთქიფანიძე, კახა კუკავა - დემოკრატიული მოძრაობა - თავისუფალი საქართველო“ – 2.6%;

„გიორგი ვაშაძე - ერთობა ახალი საქართველო“ – 1.28%;

„რესპუბლიკური პარტია“ – 0.78%;

„შენების მოძრაობა“ – 0.73%;

„თავისუფლება - ზვიად გამსახურდიას გზა“ – 0.61%.

დანარჩენმა პარტიებმა ხმათა კიდევ უფრო მინიმალური რაოდენობა მოაგროვეს. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი