იუსტიციის მინისტრის მოვალეობის შემსრულებლის თეა წულუკიანის განცხადებით, პრემიერ-მინისტრთან შეხვედრაზე დაგეგმილი ვიზიტების შესახებ ისაუბრეს.

როგორც წულუკიანმა ჟურნალისტებს განუცხადა, პრემიერს აინტერესებდა, პრეზიდენტის მიერ ვადის გამოყენება რაიმე დაგეგმილი ვიზიტის გადადებას ხომ არ გამოიწვევდა და უხერხულობას ხომ არ შექმნიდა. თეა წულუკიანის მტკიცებით, ვიზიტები ისე დაგეგმეს. რომ პრეზიდენტის მიერ კონსტიტუციური ვადის გამოყენებით, მთავრობის მუშაობაში ხელი არ შეეშლება.

„ჩვენ შევიკრიბეთ მთელი მთავრობა პრემიერის მეთაურობით, რომ მომავალი კვირის სამუშაო გრაფიკი განგვეხილა, რომელიც ძალიან დატვირთულია. იქიდან გამომდინარე, რომ პრეზიდენტმა გამოაცხადა, რომ თავის კონსტიტუციურ უფლებამოსილებას გამოიყენებს, სანამ პრემიერის მიერ წარდგენილ სიას პარლამენტში გადააგზავნის, თითოეულ მინისტრთან გავიარეთ, პრეზიდენტის მიერ ვადის გამოყენება, რაიმე გრაფიკში ხელს ხომ არ შეგვიშლიდა და უხერხულობას ხომ არ შექმნიდა. ისე დავგეგმეთ, რომ ჩვენ ხელი არ შეგვეშლება იმით, რომ პრეზიდენტი თავის ვადას იყენებს. ჩვენ ვართ უფლებამოსილი მინისტრები, პარლამენტმა ნდობა ბევრი თვის წინ გამოგვიცხადა. უბრალოდ გავაგრძელებთ მუშაობას. იმ კვირაში ქვეყნის ინტერესებიდან გამომდინარე საზღვარგარეთ ბევრი მინისტრი მივდივართ და ეს ვიზიტი ვერ და არ გაუქმდება. რიგის სამიტია 20-ში, EBRD-ის ღონისძიებებია პარასკევიდან“, - განაცხადა თეა წულუკიანმა და დასძინა, რომ პრეზიდენტისთვის წარდგენილი მინისტრების სია არ შეიცვლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის