კატალონიის ყოფილი მეთაურის არტურ მასის შეფასებით, რეგიონი "რეალური დამოუკიდებლობისთვის" მზად არაა, - ამის შესახებ Financial Times იუწყება.

როგორც პოლიტიკოსმა აღნიშნა, მნიშვნელოვანია დამოუკიდებლობის აღიარების შემდეგ, კატალონიამ ნამდვილი დემოკრატია ჩამოაყალიბოს.

მისივე თქმით, ამ ეტაპისთვის ლიდერებს შორის დისკუსია მიმდინარეობს. 

"მნიშვნელოვანია იმის გააზრება, რომ ამის აღიარებას აუცილებლად უნდა მოყვეს ნამდვილად დამოუკიდებელი სახელმწიფოს შექმნა. დამოუკიდებლობისთვის აუცილებელია კონკრეტული ელემენტები, რაც ჩვენ ჯერჯერობით არ გაგვაჩნია“, - აღნიშნა მასმა.

მანვე დასძნა, რომ კატალონიას ტერიტორიული კონტროლის სტრუქტურები, საგადასახადო მოსაკრებლები და სასამართლო სისტემა არ გააჩნია.

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ორშაბათს კატალონია დამოუკიდებლობის გამოცხადებას გეგმავს.

ავტორი: ,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა