თურქი არქეოლოგების ინფორმაციით, მათ წმინდა ნიკოლოზის ნამდვილი საფლავი აღმოაჩინეს, - ამის შესახებ Guardian იუწყება.

არქეოლოგებმა სპეცტექნიკის მეშვეობით ანტალიის პროვინციაში, კერძოდ კი, ქალაქ დემრეში მდებარე წმინდა ნიკოლოზის სახელობის ეკლესიის ქვეშ კარგად შენახული ტაძარი იპოვეს. ცნობილია, რომ წმინდა ნიკოლოზი სწორედ ამ ტერიტორიაზე დაიბადა.

როგორც არქეოლოგმა სემირ კარაბაირამ აღნიშნა, "ახლა იწყება ნამდვილი მუშაობა". მისივე თქმით, გათხრების ჩატარების შემდეგ, მათ შესაძლოა, წმინდანის ხელუხლებელი ნეშტი იპოვონ.

მკვლევარებს ჯერჯერობით აღნიშნულ ადგილამდე წვდომის საშუალება არა აქვთ, რადგან გათხრების დროს შესაძლოა ქვის ბარელიეფი და მოზაიკა დაზიანდეს.

ბევრი მეცნიერი მიიჩნევს, რომ წმინდა ნიკოლოზი დემრეში მდებარე ეკლესიაში ჩვ.წ. აღ-მდე 343 წელს დაკრძალეს, ხოლო XI საუკუნეში მისი ნაწილები მოვაჭრეებმა იტალიის ქალაქ ბარში უკანონოდ გადაიტანეს.

თუმცა თურქი არქეოლოგები დარწმუნებულები არიან, რომ მაშინ ცხედარი შეცვალეს და წმინდა ნიკოლოზი კვლავ დემრეშია დაკრძალული.

წმინდა ნიკოლოზის სახელობის ტაძარი ქალაქ მირას ნანგრევებზეა აშენებული. მკვლევარები მიიჩნევენ, რომ აღნიშნულ ქალაქში წმინდა ნიკოლოზი ცხოვრობდა. 

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს