პრეზიდენტის ადმინისტრაციას პრემიერ-მინისტრისგან მინისტრთა კაბინეტის განახლებული შემადგენლობის სია ჯერ არ მიუღია.

სავარაუდოდ, სია პრეზიდენტის ადმინისტრაციას დღის ბოლომდე გადაეგზავნება. პრეზიდენტი კი, მინისტრთა კაბინეტის ახალ შემადგენლობას პარლამენტს გადასცემს.  საკანონმდებლო ორგანოს მთავრობისთვის ხელახალი ნდობის გამოცხადება მოუწევს.როგორც ცნობილია, პრემიერ-მინისტრი მხოლოდ 2 ახალ მინისტრს წარადგენს.

კონსტიტუციის თანახმად, მთავრობის თავდაპირველი შემადგენლობის 1/3–ით, მაგრამ არანაკლებ მთავრობის 5 წევრით განახლების შემთხვევაში, მთავრობა პარლამენტის წინაშე ახალი შემადგენლობით და პროგრამით უნდა წარსდგეს. 

იმისათვის, რომ პარლამენტმა მთავრობას ნდობა გამოუცხადოს,  76 დეპუტატის მხარდაჭერაა საჭირო. 
ცნობისთვის, ერთი  წლის განმავლობაში მთავრობაში საკადრო ცვლილებები განხორციელდა. 

პრემიერ–მინისტრი ირაკლი ღარიბაშვილის გადაწყვეტილებით, თავდაცვის მინისტრი ირაკლი ალასანია მინდია ჯანელიძემ შეცვალა. ალასანიას გათავისუფლების შემდეგ თანამდებობები დატოვეს საგარეო საქმეთა მინისტრმა მაია ფანჯიკიძემ და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა. შინაგან საქმეთა მინისტრმა ალექსანდრე ჭიკაიძემ თანამდებობა დატოვა და მისი ადგილი ვახტანგ გომელაურმა დაიკავა. რეგიონული განვითარებისა და ინფრასტრუქტურის მინისტრმა დავით შავლიაშვილმა თანამდებობა ჯანმრთელობის მდგომარეობის გამო დატოვა,  გარემოსა და ბუნებრივი რესურსების მინისტრი ელგუჯა ხოკრიშვილი თანამდებობიდან   საზღვარგარეთ საცხოვრებლად წასვლის გამო  გადადგა,    სპორტის მინისტრმა, ლევან  ყიფიანმა კი, პოსტი გუშინ დატოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს