„დღევანდელი ხელისუფლება დაადგა იგივე გზას, რა გზაზეც იყო წინა ხელისუფლებები“, - ამის შესახებ ექსპერტმა პოლიტიკურ საკითხებში, გია ხუხაშვილმა „ექსპრესნიუსს“ საკონსტიტუციო ცვლილებების პროექტის დამტკიცებასთან დაკავშირებით განუცხადა.

როგორც ხუხაშვილმა განმარტა, წინა ხელისფლებებს ჰქონდათ ილუზია, რომ კონსტიტუციაში შეიძლება ისეთი „ეშმაკური  მექანიზმის“ ჩადება, რითაც ძალაუფლებას გაიხანგრძლივებდნენ.

„მთლიანად კონსტიტუციაზე  არ  ვილაპარაკებ. იქ არის რაღაც კარგი, არის რაღაც საკამათოც.  მაგრამ იყო ერთი პრინციპულად ფუნდამენტური საკითხი  რითაც ჩვენ გვიჩნდებოდა შანსი, რომ მიგვეღო, სტაბილური, დემოკრატიული  განვითარება, სტაბილური პროცესი და მომავალი კრიზისებისგან თავი დაგვეცვა. ეს შესაძლებელი იყო მხოლოდ მულტიპარტიული დემოკრატიული სისტემის ფორმირების კვალდაკვალ  და ამის შესაძლებლობას გვაძლევდა  პროპორციულ არჩევნებზე გადასვლა 2020 წლიდან. ხელისუფლებამ თქვა, რომ კიდევ ოთხი წელი მაცადეთ. ანუ შეიძლება  მუდმივ უზურპაციაზე ხელი არ მოაწერა მაგრამ 4 წელი  მინდა რომ ვიყოო. ასეთი დამოკიდებულება რა თქმა უნდა კატეგორიულად არის მიუღებელი არა პარტიებისთვის, რომლებიც აგრეთვე საკმაოდ სავალალო მდგომარეობაში არიან და მათი პოლიტიკური ოპონირების პოტენციალი სერიოზული ეჭვის ქვეშ დგას, არამედ საზოგადოებისთვის. მიუხედავად იმისა, რომ ჩვენი საზოგადოება საკმაოდ სუსტია ჩვენ ერთი რამე ვიცით, რომ ვითარებაში, როდესაც ხელისუფლება იწყებს ძალაუფლების უზურპაციას, იღვიძებს საზოგადოება, არ პატიობს და  ასეთ ხელისუფლებას უშვებს სახლში. ეს არის უნივერსალური კანონზომიერება საქართველოს უახლოესი ისტორიის.

დღევანდელი ხელისუფლება დაადგა იგივე გზას, რა გზაზეც იყო წინა ხელისუფლებები, რომლებსაც ჰქონდათ ილუზია, რომ კონსტიტუციაში შეიძლება ისეთი „ეშმაკური  მექანიზმის“ ჩადება, რითაც ისინი გაიხანგრძლივებდნენ ძალაუფლებას. ეს ასე ვერ ხდება.  ეს ძალიან კარგად ჩანს და საზოგადოებას არ მოსწონს. მცდელობასაც არ პატიობს“, - განაცხადა გია ხუხაშვილმა.

ცნობისთვის, პარლამენტმა კონსტიტუციური კანონპროექტები საბოლოო მოსმენით მიიღო.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს