„პროცესები ჯანსაღად მიმდინარეობს და გასაკვირი არაფერი ხდება. ადრეც ხდებოდა მინისტრების შეცვლა, ახლაც ხდება და ეს მომავალშიც მოხდება“, - ამის შესახებ ენერგეტიკის მინისტრმა კახა კალაძემ სამთავრობო ცვლილებთან დაკავშირებით განაცხადა.

„ეს ყველაფერი არის სწრაფვა უკეთესობისაკენ. წინა ხელისუფლების დროს სამ თვეში ერთხელ ხდებოდა მინისტრების ცვლილება, მაგრამ მაშინ არ იყო ის ვალდებულება, რომ პარლამენტს მინისტრთა კაბინეტი დაემტკიცებინა. დღეს სრულიად განსხვავებული რეალობაა და ამის გამოა ატეხილი აჟიოტაჟი. ახალი შემადგენლობისთვის ნდობის გამოცხადება პრობლემა არ იქნება“, - განაცხადა კალაძემ.

რაც შეეხება სპორტისა და ახალგაზრდობის მინისტრის ლევან ყიფიანის მიერ თანამდებობის დატოვებას, კალაძის შეფასებით ყიფიანმა ვრცელი განცხადება გააკეთა და ამასთან დაკავშირებით კითხვები არ უნდ არსებობდეს.

გარდა ამისა, ვიცე-პრემიერმა პრემიერ-მინისტრის გადადგომის შესახებ გავრცელებულ ინფორმაციაზეც გააკეთა კომენტარი და აღნიშნა, რომ ეს არის მიზანმიმართული სიცრუე, რომელსაც გარკვეული ჯგუფები, მათ შორის ტელევიზიები ხელს უწყობენ.

კალაძე ასევე მასსა და პრემიერ-მინისტრ ღარიბაშვილს შორის შესაძლო დაპირისპირების საკითხს გამოეხმაურა. მისი თქმით მსგავსი ხმები სიმართლეს არ შეესაბამება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა