ლევან ყიფიანმა სპორტისა და ახალგაზრდობის მინისტრის პოსტის დატოვების თხოვნით, პრმიერ-მინისტრს მეორედ მიმართა. ამის შესახებ ყიფიანმა დღევანდელ ბრიფინგზე ჟურნალისტებს განუცხადა.

ყიფიანის განმარტებით, პრემიერს გადადგომის შესახებ მაშინვე მიმართა, როცა სპორტისა და ახალგაზრდული კომიტეტის წევრების მიერ ბრალდებები მოისმინა. ყიფიანის თქმით, სიტუაციის გამწვავება არ სურდა, თუმცა მისივე თქმით,  პრემიერ-მინისტრმა თავდაპირველად მისი განცხადება არ დააკმაყოფილა.

ყიფიანმა კითხვაზე- ირაკლი ღარიბაშვილმა სპორტის კომიტეტის წევრების პოზიცია ხომ არ დაიკავა და მის გადადგომასთან რაიმე კავშირი  ყოფილ პრემიერ ბიძინა ივანიშვილს ხომ არ ჰქონდა, განაცხადა, რომ ასე არ არის.

"არაფრის დიდებით,  ასე არ არის.  პრემიერი ალბათ თავად გააკეთებს განცხადებას. ვიმეორებ,  დეტალებში  არ შევალ, ჩემი კონსულტაცია იყო მიმართვა პრემიერისადმი, რომელცი მინდა ვთქვა,  რომ იყო მეორე, რამოდენიმე ხნის წინ მივმართე მას,  როცა იწყებოდა ის ტალღა და ჩემი  სურვილი იყო,  არ გაღრმავებულიყო.   მზად ვიყავი გადავმდგარიყავი, ეს რამოდენიმე ხნის წინ იყო,  რაზეც მან არ დამიკმაყოფილა. დღეს ვთხოვე, რომ მინდა სპორტში დავრჩე, გავაგრძელო მოღვაწეობა, ეს იქნება განტვირთვა იმ პროცესებისა და ეს განტვირთვა მოხდება. ბიძინა ივანიშვილთან არანაირი შეხვედრა არ ყოფილა, მე მადლობა მინდა გადავუხადო ბიძინას,  მინისტრად რომ დავინიშნე მისი დამსახურებაა",-განაცხადა ლევან ყიფიანმა.

შეგახსენებთ, ლევან ყიფიანმა სპორტისა და ახალგაზრდობის მინისტრის პოსტი დღეს დატოვა. ამის მიზეზად მან, სპორტისა და ახალგაზრდული  კომიტეტის წევრების მიერ  მის წინააღმდეგ გამოთქმული ბრალდებები დაასახელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა