საქართველოს საგარეო საქმეთა მინისტრი თამარ ბერუჩაშვილ ნიუ-იორკში, გაეროს შტაბ-ბინაში ვიზიტის ფარგლებში, გაეროს გენერალური მდივნის მოადგილეს, კაბინეტის უფროსს სუზანა მალკორას შეხვდა.

ამის შესახებ „ექსპრესნიუსს“ საგარეო უწყებიდან აცნობეს.

მათივე ინფორმაციით, მინისტრმა ასევე შეხვედრა გამართა გენერალური ასამბლეის 69-ე სესიის პრეზიდენტ სემ კაჰამბა კუტესასთან.

საგარეო საქმეთა მინისტრმა ასამბლეის პრეზიდენტსა და გენერალური მდივნის კაბინეტის უფროსს მიაწოდა ინფორმაცია საქართველოს ოკუპირებულ ტერიტორიებზე არსებულ მდგომარეობაზე, ჟენევის საერთაშორისო მოლაპარაკებების მიმდინარეობაზე, მოსკოვსა და სოხუმის და ცხინვალის საოკუპაციო რეჟიმებს შორის გაფორმებული ე.წ. "ხელშეკრულებების“ და ამ ხელშეკრულებებიდან მომდინარე საფრთხეების შესახებ. შეხვედრებზე საუბარი შეეხო ასევე 69-ე სესიის ფარგლებში საქართველოს გეგმებსა და პრიორიტეტულ საკითხებს.

 ამასთან, ვიზიტის ფარგლებში გაიმართა ორმხრივი შეხვედრები გაეროსთან აკრედიტებულ მუდმივ წარმომადგენლებთან. შეხვედრებზე მხარეებმა განიხილეს ორმხრივი და მრავალმხრივი თანამშრომლობის აქტუალური საკითხები.

საქართველოს საგარეო საქმეთა მინისტრის ვიზიტი გაეროს შტაბ-ბინაში 1 მაისს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს