პრეზიდენტისა და ოპოზიციური პარტიების მიერ შემუშავებული საკონსტიტუციო დოკუმენტი „ქართულ ოცნებას“ და ვენეციის კომისიას გაეგზავნება.

ამის შესახებ პრეზიდენტმა გიორგი მარგველაშვილმა დღეს გამართულ ბრიფინგზე განაცხადა.

მან იმედი გამოთქვა, რომ „ეს დოკუმენტი უბიძგებს საპარლამენტო უმრავლესობას, გადახედოს თავის ძალიან უკომპრომისო პოზიციას“.

„ყველა პოლიტიკურმა პარტიამ რაღაც დათმო, მაგრამ შედგა მთავარი - თანხმობა. ახლა ეს დოკუმენტი გაეგზავნება „ქართულ ოცნებას“, ვენეციის კომისიას, იმ იმედით და იმ განცდით, რომ როგორც საზოგადოებამ, პოლიტიკურმა კულტურამ, ჩვენ უნდა შევძლოთ მისვლა თანხმობამდე. ყოველ შემთხვევაში, ის მითი, თითქოს საქართველოში ვერასდროს განსახვავებული შეხედულების ადამიანები ვერაფერზე  ვერ თანხმდებიან, ნამდვილად დამსხვრეულია. სრულიად განსხვავებული შეხედულებების პარტიები დგანან გარკვეულ საკითხებთან დაკავშირებით ერთ პოზიციაზე. ამისთვის საჭიროა თანხმობის სულისკვეთება, დიალოგი, სადაც შენ არა ხელის გადაწევას დაიწყებ, არამედ სხვის აზრს მოისმენ.  მე იმედი მაქვს, რომ ეს დოკუმენტი უბიძგებს საპარლამენტო უმრავლესობას, გადახედოს თავის ძალიან უკომპრომისო პოზიციას“, - განაცხადა გიორგი მარგველაშვილმა.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს