საქართველოს პრეზიდენტი გიორგი მარგველაშვილი ქართველ მოჭადრაკე ქალთა ეროვნულ ნაკრებს მსოფლიო ჩემპიონის ტიტულის მოპოვებას ულოცავს.

„ქართველ მოჭადრაკე ქალთა ახალმა თაობამ უდიდესი სიხარული მოგვანიჭეთ ჭადრაკისა და ქართული სპორტის ყველა გულშემატკივარს, მთელ საქართველოს.  თქვენ დაამტკიცეთ, რომ მსოფლიოში უძლიერესნი ხართ და ჩვენ ქვეყანას დაუბრუნეთ ის ღირსეული ადგილი, რაც ქართველ მოჭადრაკე ქალებს ათწლეულების განმავლობაში ეკავათ. თქვენ ნიჭთან და თავდადებასთან, დიდ და სახელოვან ტრადიციასთან ერთად,  ამ გამარჯვების უკან დგას მრავალი ადამიანის - უპირველეს ყოვლისა, მწვრთნელების ხანგრძლივი, დაუღალავი შრომა. ყველას გულითადად გილოცავთ ამ დიდ გამარჯვებას.

ამ წარმატებას მე დიდ საზოგადოებრივ მნიშვნელობას ვანიჭებ. მჯერა, რომ თქვენი მაგალითი ახალ სტიმულს მისცემს  ქართველ ქალთა მეტ აქტიურობას და ჩართულობას  არა მხოლოდ სპორტში, არამედ საზოგადოებრივი ცხოვრების ყველა სფეროში. ახალ წარმატებათა მოლოდინით, თქვენი ერთგული გულშემატკივარი“, - ნათქვამია პრეზიდენტის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედია: უნგრეთში რუსეთის საელჩოს თანამშრომლები რუსეთის უშიშროებასთან არიან დაკავშირებული

ყაველაშვილი 9 აპრილის ტრაგედიაზე განცხადებას ავრცელებს, რომელშიც რუსეთს არ ახსენებს

პარლამენტთან აქციაზე პროტესტის მონაწილე შაკო ბაღდოშვილი დააკავეს

რუსებო, მონებო - ოცნების მთავრობა 9 აპრილის მემორიალთან შეძახილების ფონზე მივიდა