„არასდროს არაფერი მომიპარავს, რაც კი გამაჩნდა აქეთ ქვეყანას მივეცი. ეს არის ჩემი ისტორია“, - ასე მიმართა საქართველოს მესამე პრეზიდენტმა, ოდესის ოლქის ყოფილმა გუბერნატორმა მიხეილ სააკაშვილმა ბრიფინგზე მისულ ჟურნალისტს, რომელიც მისი ფინანსური მდგომარეობით დაინტერესდა.

როგორს სააკაშვილმა აღნიშნა, მას ანგარიშზე 5 ათასი ევრო აქვს დარჩენილი, მაშინ როდესაც, მისივე ინფორმაციით, ხელისუფლების წარმომადგენლებს მილიონობით დოლარი აქვთ.

"მე ვიყავი პრეზიდენტი და კუჩმაც პრეზიდენტი იყო. რატომ არასდროს არ გიკითხავთ მისთვის თუ საიდან აქვს ფული და რით იხდის სასტუმროში ნომრის საფასურს? კიდევ ერთხელ ვამბობ, ვიყავი პრეზიდენტი და მაქვს მხოლოდ ერთი ანგარიში უკრაინის ბანკში გახსნილი, რომელზეც დაახლოებით 5 ათასი ევრო მაქვს დარჩენილი. მაშინ როდესაც კუჩმა მილიონობით ფულს იღებს. მან შექმნა ტელევიზიები, აიყვანა ჟურნალისტები, რომლებიც პროპაგანდას აწარმოებენ. მე ამას არ მოვითმენ. არ მოვითმენ, რომ კუჩმასნაირებმა ჩემს შემოსავლებზე ილაპარაკონ. პრაქტიკულად არ გამაჩნია უძრავი ქონება, მაქვს მხოლოდ ერთი სახლი საქართველოში, რომელიც 70 კვადრატულ მეტრს შეადგენს. არასდროს არაფერი მომიპარავს, რაც კი გამაჩნდა აქეთ ქვეყანას მივეცი. ეს არის ჩემი ისტორია", - განაცხადა ოდესის ყოფილმა გუბერნატორმა და დასძინა, რომ "მატყუარა ჟურნალისტებს ვერ იტანს".

"სწორედ გამიგეთ დიდ პატივს ვცემ ჟურნალისტებს და ძალიან მიყვარს უკრაინელი ჟურნალისტები, მაგრამ ვერ ვიტან ჟურნალისტებს, რომლებიც იტყუებიან. მჯერა, რომ არსებობენ ჟურნალისტები, რომლებსაც აუდიტორიამდე მხოლოდ სიმართლის მიტანა სურს", - აღნიშნა სააკაშვილმა.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს