ელგუჯა ხოკრიშვილის სახით, მთავრობას ძალიან წესიერი, პატიოსანი, მშრომელი მინისტრი გამოგვაკლდა, - ასე გამოეხმაურა საქართველოს იუსტიციის მინისტრი თეა წულუკიანი გარემოს დაცვის მინისტრის ელგუჯა ხოკრიშვილის მიერ თანამდეობის დატოვების შესახებ მიღებულ გადაწყვეტილებას.

„მე ვიტყოდი, რომ ელგუჯას სახით მთავრობას გამოგვაკლდა ძალიან წესიერი, პატიოსანი, მშრომელი მინისტრი, მაგრამ მას მინდა ვუსურვო ბედნიერება, წარმატება და უფრო პირად ფრონტზე, მან თქვა, რომ ეს მისთვის მნიშვნელოვანია და ამ კუთხით მიიღო დღეს ეს გადაწყვეტილება“, - განაცხადა თეა წულუკიანმა.

რაც შეეხება მთავრობისთვის შესაძლო ხელახალი ნდობის გამოცხადების საკითხს, წულუკიანის თქმით, თუ ეს საკითხი დადგა, იგი არ ფიქრობს, რომ რაიმე სანერვიულო იქნება იმასთან დაკავშირებით, რომ ახალი მთავრობა პროფესიონალებით ვერ დაკომპლექტდება.

ცნობისთვის, გარემოსა და ბუნებრივი რესურსების დაცვის მინისტრმა ელგუჯა ხოკრიშვილმა პრემიერ–მინისტრს გადადგომის თხოვნით მიმართა. როგორც ხოკრიშვილის  მიერ გავრცელებულ განცხადებაშია ნათქვამი, მან ეს გადაწყვეტილება საზღვარგარეთ წასვლის გამო მიიღო, სადაც მისი ოჯახი ცხოვრობს.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა