„ნაციონალური მოძრაობის“ წევრუ რომან გოცირიძე ქვეყანაში ლარის გაუფასურების ტენდენციას გამოეხმაურა. მისი თქმით, ლარის გაუფასურების არავითარი ფუნდამენტური საფუძველი არ არსებობს.  

გოცირიძე ეროვნული ვალუტის გაუფასურებაში ფინანსთა სამინისტროს ადანაშაულებს:

„დღეს ყველას აწუხებს ლართან დაკავშირებული პრობლემა, როგორც ბიზნესს, ასევე მოსახლეობას. ჩვენ აქ გვესმის აბსოლუტურად არასწორი შეფასება იმ მოვლენებისა, თუ რა ხდება დღეს ფინანსურ სისტემაში, სავსებით სწორად აღინიშნა, რომ ლარის გაუფასურების არავითარი ფუნდამენტური საფუძველი საქართველოში არ არსებობს. არც შიდა არც საგარეო ფაქტორები. საგარეოში დოლარი დასუსტდა თითქმის ყველა ვალუტასთან მიმართებაში და მისი გლობალური დასუსტების პროცესი მიდის მათ შორის ჩვენს რეგიონში და მეზობელ ქვეყნებში, ხოლო სავალუტო ნაკადების ცვლილება ქვეყანაში დადებითია. მაშინ რა ხდება? რატომ დაიწყო ლარმა გაუფასურება? სად არის ძაღლის თავი დამარხული.ძაღლის თავი დამარხულია ფინანსთა სამინისტროს ეზოში, თანაც ისეა დამარხული, რომ მთელი თავი ძალიან კარგად მოჩანს. ლარის გაუფასურების მთავარი მიზეზი არის საქართველოს მთავრობა. ლარი გააუფასურა საქართველოს ფინანსთა სამინსიტრომ. 5 ივლისს დაიწყო ბიუჯეტში წლობით ნაგროვები ნაშთების გასესხება კომერციულ ბანკებზე. ნახევარი მილიარდი ლარი მისცა ვალად. 2 თვის განმავლობაში საქართველოს ფინანსთა სამინისტრომ კომერციულ ბანკებს მიაწოდა 3 თვიანი საკრედიტო რესურსი, რომელიც წარმოადგენს ქვეყანაში მიმოქცევაში არსებული ლარის მთელი მასის 9%-ს. ვინ მოიგონა ეს უგუნური წესი?“,-განაცხადა რომან გოცირიძემ.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს