პარლამენტის გარემოს დაცვისა და ბუნებრივი რესურსების კომიტეტის თავმჯდომარე კახა კუჭავა  მიმდინარე წელს ტყის მასივებში  გაჩენილ ხანძრებთან დაკავშირებით არსებულ ვითარებას გამოეხმაურა.

როგორც მან პლენარულ სხდომაზე განაცხადა, თვალშისაცემია ხანძრების რაოდენობა და ჩნდება კითხვები, თუ რა შეიძლება იყოს ამის მიზეზი.

თუმცა, კახა კუჭავა ასევე ყურადღებას ამახვილებს ზოგადად კლიმატის ცვლილებებზე და იმ შედეგებზე, რომლებიც,  მისივე განმარტებით, მომავალშიც მოსალოდნელია.

„მინდა გამოვეხმაურო წელს  არსებულ მდგომარეობას, რომელიც უკავშირდება ტყის მასივებში გაჩენილ ხანძრებს. პირადად ვიმყოფებოდი განსაკუთრებით აგვისტოს თვეში ყველაზე ცხელ კერებში და არ შემიძლია არ აღვნიშნო, რომ არა ძალიან სწორად დაგეგმარებული პროცესი და ძალიან მნიშვნელოვანი გადაწყვეტილებები, რომელიც უკავშირდებოდა ხანძრის ჩაქრობის სალიკვიდაციო სამუშაოებს, რომელიც საგანგებო შტაბმა მიიღო, და ძალიან გულმოდგინე და თავდადებული მუშაობა ყველა იმ ადამიანის, ვინც ჩართული იყო  ამ პროცესში, ზიანის მასშტაბები გაცილებით უფრო დიდი იქნებოდა. ხანძრის გავრცელების მასშტაბებს თუ ავიღებთ, შეიძლება ბოლო 10 წლის განმავლობაში რამდენიმე სხვა ხანძარი უფრო დიდი მასშტაბის იყო, მაგრამ აქ უფრო თვალშისაცემია რაოდენობრივად ის კერები, რომლებიც საქართველოს სხვადასხვა რეგიონში იყო. ვთვლი, რომ კითხვები ჩნდება, რა შეიძლება იყოს მიზეზი, თუმცა აუცილებელია, ხაზი გავუსვათ იმ ზოგადად ცვლილებებს, რომელიც უკავშირდება კლიმატის ცვლილებებს და იმ შედეგებს, რომელსაც ჩვენ უნდა ველოდოთ მომავალშიც. დარწმუნებული ვარ, გამოძიება დადებს საბოლოო შედეგებს“,-აღნიშნა კახა კუჭავამ.

მან მადლობა გადაუხადა ყველა იმ ადამიანს, ვინც ხანძრის სალიკვიდაციო სამუშაოებში მონაწილეობდა და ასევე პარტნიორ ქვეყნებს, რომლებიც საქართველოს ამ პროცესში ეხმარებიან. კახა კუჭავას შეფასებით, მნიშვნელოვანია იმ ადამიანების ხელფასებზე ზრუნვა,  რომლებიც ხანძრის სალიკვიდაციო  პროცესში არიან ჩართული, რათა  თანხობრივი მოცულობა  მათ მიერ შესრულებული სამუშაოს შესაბამისი იყოს.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს