ჰოლივუდის მეგავარსკვლავები ბრედ პიტი და ანჯელინა ჯოლი შერიგდნენ. ამის შესახებ ამერიკული გამოცემა "The Sun", წყვილის ბიოგრაფზე, ჟურნალისტ იენ გალპერინზე დაყრდნობით იუწყება.

ბიოგრაფის თქმით, ანჯელინა ბრედს მეგობრებთან შეხვდა : "პირველი ნაბიჯი ბრედმა გადადგა, რის შემდეგაც ისინი ერთმანეთს თვალაცრემლებულნი ჩაეხუტნენ",- ამბობს ჟურნალისტი. მისივე თქმით წყვილი სპეციალისტთან ერთობლივ ფსიქოლოგიურ რეაბილიტაციაზე შეთანხმდა.

"მაგრამ ამ დროს არ უნდა დაგვავიწყდეს, რომ ისინი ერთმანეთს შორდებიან, ეს ნაბიჯი უფრო მომავალი ურთიერთობების ასაშენებლად იქნა გადადგმული", - ამბობს გალპერინი.

აგვისტოს დასაწყისში გამოცემა  "Us Weekly" "ინსაიდერზე" დაყრდნობით, ჯოლის მხრიდან შერიგების მზაობაზე წერდა, მაგრამ მხოლოდ იმ შემთხვევაში, თუ პიტი "ოჯახში ნაკისრი მოვალეობების სერიოზულობას დაამტკიცებდა", რისი კარგი მაგალითი მსახიობის მიერ ალკოჰოლზე უარის თქმა იქნებოდა.

ანჯელინა ჯოლი და ბრედ პიტი 2014 წლის აგვისტოში დაქორწინდნენ. მათ 6 საერთო შვილი ჰყავთ. 2016 წლის სექტემბერში ჯოლიმ მეუღლესთან დაშორების გადაწყვეტილება მიიღო. ბევრი ვერსიის მიუხედავად, მსახიობების განქორწინების დეტალები დღემდე უცნობი რჩება.

ავტორი: ,

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს