ამერიკის შეერთებული შტატების ცენტრალური სადაზვერვო სააგენტოს დირექტორის მაიკ პომპეოს განცხადებით, დაძაბულობის ზრდის მიუხედავად, ჩრდილოეთ კორეასთან ბირთვული ომის უშუალო საფრთხე არ არსებობს. ინფორმაციას BBC ავრცელებს.

როგორც პომპეომ აღნიშნა, ფხენიანის შეიარაღების პროგრამის განვითარების ტემპი სულ უფრო მეტ შეშფოთებას იწვევს.

მისივე თქმით, ფხენიანის სარაკეტო და ბირთვულ ძალისხმევასთან დაკავშირებით, ვაშინგტონის სტრატეგიული მოთმინება დასრულებულია.

„მე მოვისმინე მსჯელობები იმის შესახებ, რომ ჩვენ ბირთვული ომის ზღვარზე ვარ. თუმცა პირადად არ მინახავს ისეთი სადაზვერვო მონაცემები, რომლებიც მიუთითებდა, რომ დღეს ასეთ მდგომარეობაში ვიმყოფებით“, - აღნიშნა პომპეომ.

კითხვაზე, რამდენად ახლოსაა ჩრდილოეთ კორეა ისეთი ტიპის ბირთვული იარაღის შექმნასთან, რომელიც ამერიკის ტერიტორიას მიწვდება, პომპეომ განმარტა, რომ „ისინი ახლა უფრო ახლოს არიან“.

შეგახსენებთ, რომ დონალდ ტრამპმა ჩრდილოეთ კორეას ბოლო რამდენიმე დღის განმავლობაში აფრთხილებს, მტრული ნაბიჯებისგან თავი შეიკავოს. მანამდე ტრამპმა აღნიშნა, რომ იმ შემთხვევაში თუ კუნძულ გუამიზე თავდასხმა განხორციელდება, ჩრდილოეთ კორეას ნერვიულობა მოუწევს და ისეთი მოვლენები განვითარდება, როგორიც ჯერ არავის უნახავს. ტრამპის თქმით, კიმ ჩენ ინი აშშ-ის მიმართ არასათანადოდ იქცევა. გარდა ამისა, აშშ-ის პრეზიდენტმა ჩინეთს თანამშრომლობისთვის უხმო და ძალების გაერთიანება დაიწყო.

ცნობისთვის, ჩრდილოეთ კორეა წყნარ ოკეანეში, კუნძულ გუამიზე განთავსებულ ამერიკის შეერთებული შტატების სამხედრო ბაზებს სარაკეტო დარტყმებით ემუქრება. მას შემუშავებული აქვს შესაბამისი გეგმა, რომელიც სავარაუდოდ აგვისტოს ბოლოს ამოქმედდება. ამასთან, ჩრდილოეთ კორეა ტრამპის განცხადებებს "სისულელეს" უწოდებს და აცხადებს, რომ საკუთარ გეგმას მიჰყვება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს

სააკაშვილი: ივანიშვილს და ოცნებას მამა გარდაეცვალა ორბანის სახით

პოპის ვარსკვლავი ბრიტნი სპირსი ალკოჰოლიზმთან საბრძოლველად რეაბილიტაციის ცენტრში დაწვა

ძლიერი საქართველო: ვულოცავთ მადიარს, უმთავრესი გაკვეთილი ცხადია, ბრძოლა ბოიკოტის მაგიერ