განათლებისა და მეცნიერების სამინისტრო სკოლებში დამწყები პედაგოგების შესვლის ახალ სქემაზე მუშაობს.

როგორც განათლების მინისტრმა ალექსანდრე ჯეჯელავამ ჟურნალისტებთან შეხვედრაზე განაცხადა, იგეგმება, რომ ახალ დამთავრებული პედაგოგები გადაანაწილონ სკოლებში, სადაც მასწავლებლების    დეფიციტია.

მინისტრის განმარტებით, აღნიშნულ სკოლებში მომუშავე მასწავლებლებს საათები არ დააკლდებათ, არამედ ახალბედა მასწავლებელი და გამოცდილი პედაგოგი რაღაც პერიოდის განმავლობაში გაკვეთილს ერთად ჩაატარებენ.

„ვაპირებთ ახალდამთავრებულ პედაგოგებს მივაყოლოთ თავისი საათები იმ სკოლებში სადაც საათების დეფიციტი გვაქვს. დავამატებთ საათებს და იქნება ორი პედაგოგის მიერ ერთად ჩატარებული გაკვეთილი. ერთად ჩაატარებენ გაკვეთილს რაღაც პერიოდის განმავლობაში, რადგან გამოცდილება თუ არ აქვს დამწყებს, მას უჭირს სკოლაში მოხვედრა და თუ სკოლაში არ დაიწყებს მუშაობას, მაშინ გამოცდილება ვერ ექნება.ერთობლივად ჩატარებული გაკვეთილი სწორედ ის გასაღებია, რომელიც ერთის მხრივ, ახალგაზრდას მისცემს საშუალებას, ასე ვთქვათ,  ძველგაზრდისგან ისწავლოს და გამოცდილება გააზიაროს, მეორე მხრივ  გამოცდილ მასწავლებელს მისცემს საშუალებას, რომ შეაფასოს. თუმცა ანაზღაურებადი სტაჟირებაა, თუ სტაჟირებას დავარქმევთ. ოღონს ეს სტაჟირება არ ნიშნავს, რომ დარჩება.შემდეგ ისევ კონკურსში იღებს მონაწილეობას. კონკურსი რომ გამოცხადდება, მივა ახალგაზრდაც, ძველგაზრდაც“, - განაცხადა ალექსანდრე ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამარასთან ახლოს უკრაინის თავდასხმის შემდეგ, ევროპაში ერთ-ერთი უდიდესი ნავთობის საწყობი მეორე დღეა იწვის.

Axios: აშშ-ის შუალედური არჩევნების შედეგად, შესაძლოა, ტრამპმა კონგრესზეც კონტროლი დაკარგოს

ტრამპმა გუამში რესპუბლიკელის გამარჯვებას აშშ-ის არჩევნებზე კარგი ნიშანი უწოდა

პოლონეთის პროკურატურამ საკონსტიტუციო ტრიბუნალის მოსამართლეებზე თავდასხმის ფაქტზე გამოძიება დაიწყო