სასტუმრო „კოსტე“ -ში კონფერენცია - „ტყის მდგარდი მართვა  მწვანე ეკონომიკისთვის“ გაიმართა.

გარემოსა და ბუნებრივი რესურსების დაცვის სამინისტროს ინფორმაციით, კონფერენციის მონაწილეებს მინისტრის მოადგილემ გიორგი სომხიშვილმა სიტყვით მიმართა.

„ევროკავშირსა და საქართველოს შორის ასოცირების ხელშეკრულების თანახმად  სატყეო სექტორს აქვს ნაკისრი ვალდებულება, რომელიც - ტყის მდგრად მართვასა და ხე-ტყის ნაწარმით ვაჭრობას ითვალისწინებს. აღნიშნული ვალდებულების აღსრულების მიზნით, სატყეო სექტორში გაწერილია მრავალი ქმედება და აქტიურად მიდის მუშაობა, რომლის განხორციელებაშიც ასევე ჩართულები არიან დონორი და პარტნიორი ორგანიზაციები“, - განაცხადა სომხიშვილმა.

შეხვედრის მნიშვნელობაზე ისაუბრა პროექტის „ტყის მდგრადი მართვა მწვანე ეკონომიკისთვის“ კავკასიის რეგიონის კოორდინატორმა ელინა ვარშტამ.

„დღეევანდელ შეხვედრაზე პროექტში მონაწილე ერთმანეთს გამოცდილება გაუზიარეს. შეხვედრის მიზანია კავკაიისა და ცენტრალური აზიის ქვეყნებში შემუშავდეს ტყის მდგრადი მართვის სამოქმედო გეგმა, რათა განვითარდეს მწვანე ეკონომიკა“, - განაცხადა ელინა ვარშტამ.

რეგიონალურ სამუშაო შეხვედრას   აღმოსავლეთ ევროპის, ცენტრალური აზიის და კავკასიის ქვეყნების წარმომადგენლები ესწრებოდნენ.

შეხვედრა გაეროს სურსათისა და  სოფლის მეურნეობის ორგანიზაციის (FAO) პროგრამის ფარგლებში გაიმართა, რომლის მიხედვითაც მწვანე ეკონომიკაში ტყის მდგრადი მართვის სამოქმედო გეგმა შემუშავდება. პროექტი გაეროს ეკონომიკური კომისიის და საქართველოს გარემოს დაცვის სამინისტროს ორგანიზებით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსებო, მონებო - ოცნების მთავრობა 9 აპრილის მემორიალთან შეძახილების ფონზე მივიდა

უკრაინულმა დრონებმა კრასნოდარის მხარეში ექსპორტისთვის განკუთვნილ ნავთობის მსხვილ სატუმბო სადგურს შეუტიეს

კობახიძემ მდინარაძეს წოდება კიდევ ერთხელ აუმაღლა, ის სუს-ის პოლკოვნიკი გახდა

თეთრ სახლში თქვეს, რომ ტრამპი რუტესთან შეხვედრაზე NATO-ს დატოვების შესაძლებლობასაც განიხილავს