ამერიკის შეერთებული შტატების პრეზიდენტის დონალდ ტრამპის განცხადებით, მან გაცილებით მეტის გაკეთება შეძლო, ვიდრე ამერიკის ისტორიაში სხვა რომელიმე პრეზიდენტმა, - ამის შესახებ დონალდ ტრამპმა Reuters-სთან ინტერვიუში განაცხადა. 

"ხუთი თვის განმავლობაში ჩვენ გაცილებით მეტს მივაღწიეთ, ვიდრე ამერიკის შეერთებული შტატების ნებისმიერმა პრეზიდენტმა. თუ შეხედავთ ერაყს, შეხედავთ სირიას, დაინახავთ თუ რა პროგრესს მივაღწიეთ ამ ქვეყნებში "ისლამურ სახელმწიფოსთან" მიმართებაში. საფონდო ბირჟებზე მდგომაროება გაუმჯობესდა, ბოლო 16 წლის განმავლობაში დასაქმების საკითხი ყველაზე კარგ მდგომაროებაშია, პრობლემები არც უზენაეს სასამართლოში გვაქვს. ISIS-სგან არაფერს ვტოვებთ, ერთი სიტყვით არაფერია ისეთი რასაც ცუდად ვაკეთებთ. თეთრი სახლი მშვენივრად მუშაობს ", - აღნიშნა ტრამპმა.

ამასთან, ტრამპი კიდევ ერთხელ გამოეხმაურა მის მიმართ გაჟღერებულ ბრალდებებს, მათ შორის რუსეთთან სავარაუდო კავშირებს და აღნიშნა, რომ ბრალდებები სიმართლეს არ შეესაბამება. 

გარდა ამისა, კითხვაზე ენდობა თუ არა დონალდ ტრამპი რუსეთის პრეზიდენტ ვლადიმერ პუტინს, რესპუბლიკელმა პრეზიდენტმა აღნიშნა, რომ ის არავის ენდობა.

"ნუთუ ვგავარ პიროვნებას, რომელიც ვინმეს ენდობა? ძალიან ეჭვიანი ადამიანი ვარ. ყველას არ ვენდობი, მაგრამ ის რუსეთის ლიდერია. მას უყვარს თავის ქვეყანა, ისევე როგორც მე მიყვარს ჩემი. საბოლოო ჯამში ძალიან პროდუქტიული შეხვედრა გვქონდა. შემიძლია ჩვენი შეხვედრა დადებითად შევაფასო, რადგან ბევრი საკითხი განვიხილეთ", - აღნიშნა დონალდ ტრამპმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო უკრაინას საშუალებას მისცემს, უფრო სწრაფად და იაფად მიიღოს იარაღი

სტივენ კინგი - დონალდ ტრამპი - ბევრად უფრო საზარელია, ვიდრე ნებისმიერი მონსტრი, ბოროტმოქმედი თუ სულებით სავსე სასტუმრო

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ