კიბერუსაფრთხოების თვალსაზრისით, საქართველო მსოფლიოში ყველაზე დაცული ქვეყნების ათეულშია, - ამის შესახებ Reuters იუწყება.

მედია საშუალების ინფორმაციით, გაეროს დაკვეთით სპეციალისტებმა ჰაკერული შეტევების წინააღმდეგ სახელმწიფოთა შესაძლებლობები განსაზღვრეს. აღნიშნულ სიაში პირველ ადგილს სინგაპური იკავებს. მისი უსაფრთხოების სისტემაში მკვლევრებმა, პრაქტიკულად, ვერც ერთი მოწყვლადი მხარე ვერ გამოავლინეს.

კვლევის თანახმად, კიბერუსაფრთხოების თვალსაზრისით მეორე ადგილს ამერიკის შეერთებული შტატები იკავებს.

მედიის ცნობით, ათეულში შედიან მალაიზია, ომანი, ესტონეთი, მავრიკის რესპუბლიკა, ავსტრალია, საქართველო, საფრანგეთი და კანადა. რუსეთი მე-11 ადგილზეა.

როგორც სააგენტო წერს, რეიტინგი ქვეყნების სამართლებრივ, ტექნიკურ და საორგანიზაციო ინსტიტუტებს, მათ საგანმანათლებლო და კვლევით შესაძლებლობებს, ასევე ინფორმაციის გაცვლის თვალსაზრისით მათ თანამშრომლობას ეფუძნება. მსოფლიოს ქვეყნების ნახევარს კი კიბერუსაფრთხოების თვალსაზრისით  არანაირი ეროვნული კონცეფცია არ გააჩნია.  

შეგახსენებთ, რომ ანგარიში ისტორიაში ერთ-ერთი ყველაზე მასშტაბური ჰაკერული თავდასხმიდან რამდენიმე დღეში გამოქვეყნდა. 27 ივნისის თავდასხმის შედეგად რამდენიმე ქვეყანაში მსხვილი კომპანიები ერთდროულად იყო პარალიზებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ